Шимолий Кореянинг расмий KCNA ахборот агентлиги Россия президенти Владимир Путиннинг президент Ким Чен Инни учрашувга таклиф қилганини билдирди.
Ҳозирча Пхенъян бу учрашувнинг қачон ва қаерда бўлишини маълум қилмади.
Россиянинг Коммерсант газетаси сафарга ҳозирликка бевосита алоқадор расмийларга таяниб¸ Шимолий Корея ва Россия президентларининг учрашуви 25 апрель куни Владивостокда бўлишини билдирди.
Кремль бу учрашув ҳақида 18 апрель кунги расмий баëнотида учрашувнинг апрель ойининг иккинчи ярмида бўлишини билдирди.
Россия дунëнинг энг ëпиқ давлати бўлиб қолаëтган Шимолий Кореянинг анъанавий ҳамкори ҳисобланади.