Шимолий Корея лидери Ким Чен Ин Россия президенти Владимир Путин билан Владивостокда учрашиш учун зирҳланган поездда йўлга чиқди.
24 апрелда хабар қилинишича, Ким Чен Ин Пхеняндан 700 километр олис бўлган учрашув жойига расмий ҳукумат делегацияси билан бирга йўлга чиққан.
25 апрель куни ўтказиладиган музокараларда муҳокамаларнинг асосий мавзуси Корея ярим оролида ядровий қуролни тарқатмасликни дипломатик йўл билан ҳал этиш масаласи бўлади.
Россия дунëнинг энг ëпиқ давлати бўлиб қолаëтган Шимолий Кореянинг анъанавий ҳамкори ҳисобланади.