Украина президентлигига сайланган Владимир Зеленский чегара чизиғидан бошқа Россия ва Украинани бирлаштирувчи ҳеч нарса қолмаганини билдирди.
Бу баëнот арафасида Владимир Путин украин ва русларни бирлаштирувчи жуда кўп нарса борлигини таъкидлаб¸ бу икки давлат аҳолиси учун ягона паспорт жорий қилиш таклифи билан чиққан эди.
Қрим аннексияси ва Донбассдаги агрессиядан сўнг Россия билан Украина орасида ҳеч қандай «биродарлик ришталари» қолмаганини айтган Зеленский¸ Россия Украина ерининг ҳар бир миллиметрини қайтариб берганидан кейингина¸ икки давлатни бирлаштирувчи жиҳатларни излаш бошланишини таъкидлади.
Жорий ой Украина президенти сифатида қасамëд қиладиган Зеленский¸ «нефть маҳсулотлари экспортини тақиқлаш¸ босиб олинган ҳудуддагиларга Россия паспортини бериш ва украиналикларни асирликда ушлаш икки давлат муносабатларини яхшилашга мутлақ хизмат қилмаслигини таъкидлади.
Владимир Путиннинг Россия украиналикларнинг барчаси учун ватандошлик бериш жараёнини осонлаштириши мумкинлигига оид баёнотига жорий ҳафта жавоб берган Зеленский¸ Россия паспортини "эркин фикр билдириш учун қамоққа тушиш" эркинлиги сифатида баҳолади ва демократия¸ озодлик ва инсоний қадр-қиммат учун курашувчи россияликларга озод Украина ватандошлигини беришга тайëрлигини билдирди.
Бу баëнот унинг нафақат украиналиклар¸ балки россияликлар орасидаги эътибори ошишига сабаб бўлди.
Ўтган ой Украинада ўтказилган иккинчи босқич президент сайловида комик актëр Зеленский 73 фоиз ¸ унинг рақиби¸ амалдаги президент Петро Порошенко эса¸ 24 фоиз овоз олди