Қирғизистоннинг Ўш шаҳрида туркий тилли шоирлар иштирокида 20 май куни шеърият кечаси ўтказилди.
Озарбайжон мумтоз адабиётининг машҳур вакили Насимийнинг 650 йиллигига бағишланган шеърият кечасида Туркия, Озарбайжон, Ўзбекистон, Македония, Қозоғистон, Ёқутистон, Бошқирдистон ва Қирғизистондан келган шоирлар шеър ўқиб, ижодий тажрибалари билан ўзаро ўртоқлашдилар.
Мазкур тадбир ТУРКСОЙ ташкилотининг ташаббуси билан ўтказилди. Тадбирда ташкилот бош котиби Дюсен Касеинов иштирок этди.
Ўш шаҳри бу йил ТУРКСОЙ ташкилоти томонидан турк дунёсининг маданий пойтахти деб эълон қилинган эди. Шу муносабат билан 20-21 апрель кунлари Ўшда бу мақомнинг тақдимоти маросими бўлиб ўтган.
Мазкур тадбирга турк тилли мамлакатлар, жумладан, Ўзбекистондан ҳам делегатлар келган.