Колумбия федерал округи судъяси Mazars USA бухгалтерлик ширкатига президент Трампнинг 2017 йилга қадар олти йиллик молиявий ҳисоботини АҚШ Конгрессининг Назорат қўмитасига тақдим этишни буюрди.
Маҳкаманинг бу қарори мухолиф демократлар назоратидаги Конгресс ва ўз солиқ декларациясини очиқлашдан бош тортаëтган президент Трамп ўртасидаги кескинликни янада кучайтирди.
Бундан аввал Конгрессдаги демократлар Трампдан 2013-2018 йиллардаги солиқ декларацияларини очиқлашни талаб қилган эди.
22 апрель куни Трамп ва унинг компанияси Конгрессдаги Назорат қўмитаси раиси Элайе Каммингсуни ўзига ноқонуний талаб қўйганлик иддаоси билан судга берди.
Суд қарорини «ақлдан озиш» дея баҳолаган Трамп¸ ўз адвокатлари бу ҳукм юзасидан аппеляция аризаси киритишини билдирди.