АҚШлик мультимиллионер ва молиячи Жефри Эпштейн шанба куни жинсий жиноятларда айбланиб қўлга олингани ҳақида 7 июль куни маълум қилинди.
Хабарларда айтилишича, Эпштейн Нью-Йорк яқинида қўлга олинган ва ҳозирда федераль қамоқхонада сақланмоқда. У 2000 йилларнинг бошларида балоғатга етмаган қизларга нисбатан жинсий ҳаракатларни содир этганликда айбланмоқда.
Associated Press агентлигининг билдиришича, 66 ёшли Жефри Эпштейн 8 июль куни Нью-Йорк судига олиб келинади.
Жефри Эпштейн АҚШнинг собиқ президенти Билл Клинтон, Британия шахзодаси Эндрю ва президент Дональд Трамп дўстлари эканини айтиб келган.