Қозоғистон ички ишлар вазири Эрлан Тургимбаев мамлакатнинг иккита катта шаҳрида ўтган норозилик намойишлари пайтида юз нафар одам қўлга олинганини билдирди.
Вазир 9 июль куни берган маълумотда айтилишича, 6 июль куни Нур-султон ва Олмаотада ўтган норозилик намойишларида қўлга олинганлардан 19 нафари15 суткага қамалган, 23 нафарига жарима солинган.
Президент Қасим-Жомарт Тоқаевга қарши норозилик намойиши иштирокчиларининг асосий қисми полиция бўлимларида бир неча соат ушлаб турилгач, қўйиб юборилган.
6 июль куни норозиларни полиция ва фуқаролик кийимидаги хавфсизлик хизмати ходимлари қўлга олган эдилар.
Махсус хизматлар журналистларга тасвирга ва суратга олишни тақиқлаб, намойишни ёртишига тўсқинлик қилдилар.
Бу каби намойишлар Усть-Каменогорск, Чимкент, Қарағанда ва Ўролда ҳам бўлиб ўтди.
Норозиилк намойишлари Қозоғистонда тақиқланган Қозоғистон демократик танлови сиёсий партияси томонидан уюштирилди. 2009 йилдан бери хорижда яшаб келаётган мухолифатчи Мухтор Аблязовга мансуб бўлган мазкур партия қозоқ судининг ўтган йилги қарори билан тақиқланган эди.