Эрон президенти Ҳасан Руҳоний Вашингтон санкцияларни бекор қилса, Теҳрон музокара олиб боришга рози бўлиши тўғрисида баёнот берди.
Айни дамда Европа давлатлари етакчилари АҚШ ва Эрон ўртасидаги танглик кескинлашаётган бир пайтда Эрон ядровий дастури бўйича музокараларни қайта тиклашга чақирди.
14 июль куни Руҳоний АҚШ санкцияларни бекор қилиб, “зўравонлик қилишни” тўхтатса, Теҳрон Вашингтон билан музокара олиб боришга рози бўлишини айтди.
Аммо АҚШ давлат котиби Майк Помпео Теҳрон аввалги президент Барак Обама маъмуриятига ҳам айнан шундай таклиф қилганини, бу сафар Вашингтон ён бермаслигини айтди.
Трамп 2015 йилда АҚШ Эрон билан тузилган халқаро шартномадан чиқишини эълон қилганидан бери икки давлат муносабатлари кескинлашиб бормоқда.
АҚШ санкциялари Эрон иқтисодига кескин зарба бўлди. Шу сабаб Теҳрон келишув шартларини буза бошлади. Бунга жавобан АҚШ янада кўпроқ санкция жорий қилмоқчи.