АҚШ давлат котиби Майк Помпео Эрон халқи мамлакат етакчилари фаолияти туфайли кўраётган зиённи тушунтириш учун Теҳронга мамнуният билан борган бўлардим, деди.
25 июль куни Bloomberg телеканалига берган интервьюсида котиб:
- Албатта, бундай чақириқ бўлса, мамнуният билан борган бўлардим. [Теҳронга] бориш имкони пайдо бўлишини истардим. Пропаганда учун эмас, балки Эрон халқига етакчилари нима қилгани ва уларнинг фаолияти Эронга қандай зарар етказгани ҳақида ҳақиқатни сўзлаб бериш учун борган бўлардим,- деди.
Помпео Эрон ташқи ишлар вазири Муҳаммад Жавод Зариф Нью-Йоркка қилган ташрифлари давомида Америка халқи билан сўзлаша олишини, аммо Помпео Зарифнинг сиёсий салмоғи йўқлигини, муҳим қарорларни олий раҳбар Оятуллоҳ Али Хоманаий ҳамда Эрон Инқилобий гвардияси чиқаришини айтаркан,
- Ташқи ишлар вазири Зариф Ойдаги одамдек Эронда бўлаётган ишларга таъсир ўтказа олмайди, - деди.
АҚШ президенти Дональд Трамп 2015 йилда Вашингтон Эрон билан тузилган халқаро шартномадан чиқишини эълон қилганидан бери икки давлат муносабатлари кескинлашиб бормоқда.