Жоржия, Флорида ва Шимолий Каролина губернаторлари 1 сентябрь куни “Дориан” довули муносабати билан айрим аҳоли пунктларидан одамларни эвакуация қилиш тўғрисида фармон берди.
Ўтган ҳафтада "Дориан” довули Флоридага 31 август куни етиб келиши тахмин қилинаётган эди. Бироқ бундай бўлмади. Синоптикларнинг билдиришларича, довул 2 сентябрь куни АҚШнинг Атлантика океани соҳилида жойлашган штатларига етиб келади.
Синоптиклар “Дориан” сўнгги 27 йил ичида Флоридада юз берган энг кучли довул бўлишини айтмоқдалар. Унинг тезлиги соатига 295 километрни ташкил этмоқда. Довул оқибатида океан соҳили яқинида жойлашган шаҳарлардан камида бир миллионга яқин одам хавфсиз жойларга кўчирилиши зарур.
АҚШ президенти Дональд Трамп “Дориан” довули Флоридага яқинлашиб келаётгани муносабати билан 1 сентябрда Польшага қиладиган сафарини бекор қилган. Унинг ўрнига АҚШ делегациясига вице-президент Майк Пенс раҳбарлик қилмоқда.