АҚШ Эрон Сурияга нефть сотгани ортидан Теҳронга нисбатан санкцияларни кучайтирди ва террорчиларга нефть сотилаётгани тўғрисида маълумот берган шахсларга 15 миллион доллар миқдорида мукофот пули берилишини эълон қилди.
Янги санкциялар 9 нафар жисмоний шахс, 16та ширкат ва 6та нефть ташувчи танкерга таалуқли бўлади. АҚШ ширкатларига санкция рўйхатига киритилганлар билан ҳамкорлик қилиш тақиқланди.
Санкция жорий этилган шахслар ва ширкатлар Ислом инқилоб посбонлари корпусига ва “Ҳезболлаҳ” радикал гуруҳига моддий кўмак кўрсатаётганликда гумонланмоқда.
АҚШ Молий вазирлигининг билдиришча, санкция рўйхатига киритилганлар халқаро тақиққа қарамай Сурияга бир неча ўн миллион долларлик нефть сотган.