Эроннинг Кермон шаҳрида генерал Қосим Сулаймонийнинг дафн маросимида юзага келган тиқинда камида 40 одам ҳалок бўлди, яна 200 одам жароҳатланди. Бу ҳақда Эрон ахборот агентликлари маълум қилди.
Сулаймонийнинг дафн маросими 7 январь куни ўтказилди. Тиқин унинг тобутини қабристонга олиб кетишаётган пайтда юз берди. Унда минглаб одамлар иштирок этган.
Эрон Ислом инқилоби муҳофазаси корпуси таркибидаги “Қудс” махсус бўлинмаси қўмондони бўлган Сулаймоний 3 январь куни Бағдодда АҚШ дрон ҳужуми оқибатида ҳалок бўлган эди.
Унинг жасади туғилиб ўсган Кермон шаҳрига олиб кетилар экан, Эроннинг турли шаҳрида у билан видолашиш маросимлари бўлиб ўтди.
Пойтахт Теҳронда Сулаймоний билан видолашиш маросимида оятуллоҳ Али Хоманаий ва — Эрон ҳукумати маълумотига кўра — миллионлаб одам қатнашди.
Вашингтон Сулаймонийни Америка ҳарбийларини ўлдиришда ҳамда янги ҳужумларни режалаштиришда айблаб келади.