Россия пойтахти Москвада олти нафар қирғизистонлик экстремизм гумони билан қўлга олинди, дея хабар қилади ТАСС суд матбуот хизмати маълумотларига таянган ҳолда.
Москванинг Мешчанск туман суди эҳтиёт чораси сифатида қўлга олинганларни 17 мартга қадар ҳибсда тутиб туриш бўйича қарор қабул қилган. Қирғизистонликлар экстремистик руҳдаги ҳамжамият ташкил этганликда гумонланмоқда.
Қирғизистоннинг Россиядаги элчихонаси қўлга олинганларнинг фуқаролигига оид маълумотлар ва вазият ўрганилаётганини билдирган.