Япония Бош вазири Шинзо Абе коронавирус пандемияси Токио олимпиада ўйинларини кечиктиришдан бошқа йўл қолдирмаëтганини билдирди.
Пандемия вазиятини кузатиб келаëтган Халқаро олимпия қўмитасининг бир неча ҳафта ичида олимпиадани қолдириш-қолдирмаслик ҳақида қарор қабул қилиши кутилмоқда.
“Агар ўйинларни тўлиғича ўтказиш жуда қийин деб топилса¸ уларни қолдиришдан ўзга чорамиз қолмайди. Чунки спортчилар саломатлиги биз учун энг муҳим нарса”¸ деди Абе душанба куни мамлакат парламентидаги чиқишида.
Токио ҳукумати раҳбари¸ жараëн жуда мураккаб бўлгани боис¸ МОҚ бу ҳақдаги қарорни имкон қадар тезроқ қабул қилишига умид билдирди.
Абе айни пайтда¸ Токио олимпиада ўйинларининг бутунлай бекор қилинишини эҳтимолдан соқит қилди.
Коронавирус эпидемияси бошлангандан буëн 24 июль куни очилиши режалаштирилган ëзги олимпиада ўйинлари тақдири савол остида қолаëтган эди.
Халқаро олимпия қўмитаси ҳали қарор бермай туриб¸ Канада ва Австралия Токио олимпиадасига ўз спортчиларини юбормаслигини эълон қилди.
22 март куни Японияда коронавирус юқтирганлар сони расман 1719 тага¸ ўлганлар сони эса¸ 43 тага етди.