Қирғизистонда 24 апрель ҳолатига кўра, коронавирусга чалинганлар сони 656 кишига етди. Сўнгги бир суткада коронавирус юқтирган яна 25 киши аниқланди.
Расмий маълумотда айтилишича, бугунги кунда 322 бемор соғайган ва 8 бемор вафот этган. Айни пайтда касалхонада қолаётган 326 бемордан беш нафарининг аҳволи оғир, улар реанимацияга олинган.
Қирғизистон коронавирус туфайли 25 мартдан 15 апрелгача Бишкек, Ўш, Жалолобод шаҳарлари, Новқат, Қорасув, Сузоқ туманларида фавқулодда ҳолат эълон қилинган ва комендантлик соати жорий этилган эди.
14 апрелда фавқулодда ҳолат ва комендантлик соати муддати 30 апрелгача узайтирилди.