Арманистоннинг Гавар шаҳрида оммавий тартибсизлик ва самосуд уюштирганликда гумонланган беш киши қўлга олинди.
Тартибсизликлар номаълум шахслар автомашинасида икки кишини, жумладан, ҳарбий полиция ходимини отиб кетгани ортидан бошланди. Полициячини отган шахслар қочаётган пайтда аварияга учраган ва касалхонага ётқизилган.
Бундан хабар топган 500га яқин одам, жумладан, ҳалок бўлганларнинг қариндошлари, тўқмоқ ва пичоқлар билан қуролланиб, касалхонага ҳужум қилган. Улар полиция тўсиқларини ёриб ўтиб, отишмада гумонланганлар ётган палатага кириб келган ва уларни ўласа қилиб калтаклаган.
Маълум бўлишича, мазкур воқеа ортидан пойтахт Еревандан Гавар шаҳрига қўшимча полиция кучлари юборилган. Ички ишлар вазири Арман Саркисян ҳам Гавар шаҳрига етиб борган.