Экзитпол натижаларига қараганда Польша президентлигига ўтган сайловда амалдаги президент Анжей Дуда сайловчиларинг 42 фоиз овозини олиб, биринчи ўринни эгаллади. У 12 июнда ўтадиган сайловнинг иккинчи босқичида 30 фоиз овоз олган мухолифатдаги “Фуқаролик коалицияси”дан номзод Рафал Тшасковски билан беллашади.
Якшанба куни ўтган сайловда ёзувчи ва телебошловчи Шимон Головня 13 фоиз овоз олиб, учинчи ўринни эгаллади. Қолган 8 номзод эса бундан озроқ овозларни олган.
28 июнда ўтган сайловда сайловчиларнинг 63 фоизи иштирок этгани маълум қилинди. Бу сўнгги бир неча ўн йилликдаги энг юқори кўрсаткичдир.
Польшада президентлик сайловлари 10 майга белгиланган эди, аммо коронавирус пандемияси туфайли 28 июнга қолдирилганди.
Дуданинг «Қонун ва адолат» партияси парламентда ҳукмрон бўлиб, ўз етакчиси ёрдамида мунозарали қонунлар қабул қилинишига эришди. Партия қабул қилган айрим қонунлар Европа Иттифоқи танқидига учради.