Россия пойтахти жанубидаги савдо маркази олдида хотинини ўлдирганликда айбланиб қўлга олинган ўзбекистонлик И.Т., Москва шаҳар Нагатинск туман суди томонидан эҳтиёт чораси сифатида икки ой қамоққа ҳукм қилинди.
ТАССнинг хабар беришича, қотиллик 10 сентябрь куни эрталаб соат 5:30ларда “Каширская плаза” савдо маркази олдида содир этилган.
Дастлабки терговда аниқланишича, И.Т., хотинини рашк қилиб, жанжаллашган. Даҳанаки жанжал чоғида у хотинига етти марта пичоқ санчган. Аёл воқеа жойида ҳалок бўлган.
Воқеа гувоҳлари полиция чақиришган ва И.Т., жиноят содир этилган ерда қўлга олинган. Хабар берилишича, И.Т., 36 ёшда, унинг хотини эса 29 ёшда бўлган.