Россияда 29 октябрь куни 40251 кишида коронавирус аниқланган.
Бу пандемия бошланганидан бери кузатилган энг юқори кунлик кўрсаткичдир.
Шу ҳафтанинг ўзида Россияда кетма-кет коронавирус инфекцияси билан боғлиқ 40 мингдан кўп кунлик холат қайд этилди.
Россия Соғлиқни сақлаш вазирлигига кўра, кунлик касалланиш Москвада – 7 267, Санкт-Петербургда – 3 578 ва Москва вилоятида – 2 680 ташкил қилмоқда.
Хабарга кўра, сўнгги бир кун ичида Россияда коронавирусдан 1 160 киши вафот этган.
Уларнинг 97 нафари Москва, 76 нафари Петербург ва 43 нафари Краснодарга тўғри келади.
Россияда пандемия бошланганидан буён 8 миллион 472 минг 797 нафар киши коронавирусга чалинди.
Улардан 237 380 нафари вафот этди.