Россия президентининг матбуот котиби Дмитрий Песков таниқли қўшиқчи Алла Пугачёванинг ўзини “хориж агенти” деб тан олиш илтимоси юзасидан ҳеч қанақа изоҳ бермаслигини билдирди.
“Мен бу масала Кремлга алоқадор, деб ўйламайман”, дея иқтибос келтирган Песков сўзларидан ТАСС агентлиги.
Аввалроқ Алла Пугачёва эри Максим Галкин ортидан ўзини ҳам “хориж агентлари” рўйхатига қўшиш бўйича Россия Адлия вазирлигига мурожаатнома йўллаган эди. Ўз постида у Россияга осойишта ҳаёт, сўз эркинлиги ҳамда мамлакатни яккамоховга айлантираётган ва фуқаролар турмушини оғирлаштираётган пуч мақсадлар учун йигитлар қурбон бўлишини тўхтатишга чақирган.
Пугачёванинг мазкур пости остига бир сутка ичида 650 мингта лайк босилиб, 80 мингдан зиёд изоҳ қолдирилган.