Ўзбекистон президенти Шавкат Мирзиёев 29 декабрь куни имзолаган фармонга кўра¸ 1 январдан бошлаб Фанлар академиясининг ҳақиқий аъзолари солиққа тортилмайдиган 10 минимал ойлик (тахминан 1,5 миллион сўм) миқдорида қалам ҳақи ола бошлайди.
Янги йил арафасида илм-фан арбоблари билан учрашган Шавкат Мирзиёев Ўзбекистон Фанлар академияси структуравий ислоҳотларга муҳтожлигини айтган эди.
"Ëпилиш арафасида турган Фанлар академиясига бундай катта эътибор¸ аслида илмга эътибор бошланганидан дарак"¸ дейди тарих фанлари доктори Раҳмон Фармонов Озодлик билан суҳбатда.
Суҳбатдошга кўра¸ хавфсизлик масалаларини устувор деб билган олдинги ҳукумат илм-фанни эътиборсиз қолдиргани¸ маош жуда ҳам оз бўлгани, янги инновация ва ихтиролар етарлича тақдирланмагани оқибатида кўп иқтидорли ўзбек олимларининг чет элга кетиб қолгани кузатилди.
“Бундан буëғига олимлик¸ илм жозиба касб этиб¸ олим бўлсанг - олам сеники¸ деган даврлар келишидан умидворман”¸ дейди OzodNazar меҳмони Раҳмон Фармонов.
Браузерингиз HTML5 ни қўллаб- қувватламайди
Тарих фанлари доктори Раҳмон Фармонов билан суҳбат