Россия-Қозоғистон чегарасидаги “Қараўзек” назорат-ўтказиш масканида яқин кунларда мобилизация пункти очилиши режаланмоқда. Бу ҳақда Астрахань вилоят маъмурияти матбуот хизмати маълумот тарқатди.
Мазкур пунктда чегарадан ўтиш ниятида бўлган эркаклар текширилиб, армияга чақирилиши лозим бўлганларга чақириқ қоғози тарқатилади.
Маҳаллий пабликлар “Қараўзек” масканида шу кунда Қозоғистон тарафга ўтмоқчи бўлган россияликларнинг кўп километрга чўзилган навбати ҳосил бўлгани ҳақида ёзишмоқда.
Аввалроқ кўчма военкоматлар Россия-Грузия ҳамда Россия-Финляндия чегарасида очилиши ҳақида хабар қилинган.