2018 ЙИЛ СУРАТЛАРДА
1. Одамлар Исо таваллудига бағишланган ярим тунги диний маросим чоғида Муқаддас Троица жомеси олдида турибди. 7 январь, Тбилиси, Грузия. (Reuters/David Mdzinarishvili)
2. Украина қўшинлари Донбасс вилоятидаги россияпараст исёнчиларларга қарши жанг қилаётиб, Новолуганск қишлоғи яқинида гаубицадан ўт очмоқда. (epa-EFE/Markiian Lyseiko)
3. Россия махсус полицияси “Путин, сен менинг президентим эмассан!” деган ёзув битилган постерни ушлаб турган норозилик намойиш иштирокчисини ҳибсга олмоқда. Ушбу намойиш 28 январь куни Санкт-Петербург шаҳрида Алексей Навальнийнинг президент сайловида қатнашишини тақиқлаш тўғрисидаги қарорга қарши уюштирилган эди. Навальний норозилик намойишларини бутун мамлакат бўйлаб ўтказиш даъвати билиан чиққандан сўнг Москвада ҳибсга олинган эди. (AP/Dmitri Lovetsky)
4. Одамлар 28 январда Афғонистон пойтахти Кобул шаҳрида рўй берган худкушлик ҳужуми қурбони бўлган кишини дафн этиш маросимида қатнашмоқда. Кобулнинг Садарат майдонида автомобилга ортилган бомба портлаши оқибатида 98 киши қурбон бўлди, 158 киши яраланди. “Толибон” ҳаракати Ички ишлар вазирлигининг эски биноси яқинидаги аҳоли тирбанд савдо мажмуасига ҳужум уюштириш учун портловчи моддалар ортилган “тез ёрдам” машинасини ишга солди. (epa-EFE/Hedayatullah Amid)
5. Санкт-Петербург шаҳрининг Приморье туманидаги “Лахта” маркази устидаги қонталаш ой, 31 январь, 2018 йил. Шу йилда қуриб битказилган “Лахта” маркази бугунги кунда Европадаги энг баланд бинодир. (TASS/Peter Kovalev)
6. Спортчи эркаклар ўртасида фристайл мусобақасида қатнашмоқда. 8 февраль, 2018 йилги Пёонгчанг қишки олимпиадаси, Жанубий Корея. (epa-EFE/Sergei Ilnitsky)
7. Эркак киши Суриянинг қамалда қолган Дума шаҳрига уюштирилган авиация ҳужумидан сўнг қизалоқни кўтариб турибди. 7 февраль. (Reuters/Bassam Khabieh)
8. Косовонинг Липян шаҳри яқинидаги Сллови қишлоғи мактабида 16 февраль - Мустақиллик кунини нишонлаш маросимида 10 яшар ўқувчи қиз Паваресия Сопи давлат байроғи ёнида суратга тушмоқда. Паваресия Косово 2008 йилда Сербиядан мустақиллигини эълон қилгандан сўнг туғилган илк боладир. "Паваресия" сўзининг таржимаси “Мустақиллик”дир. (AP/Visar Kryeziu)
9. Украина ва қрим-татар фаоллари Киев шаҳрида 26 февраль куни бедарак кетган ёки Россия хавфсизлик кучлари ҳибсга олган қримликларнинг номи ёзилган плакатларни кўтариб турибди. Фаоллар Қримнинг Россия оккупациясига қаршилик кўрсатиш санасини бедарак кетган кишиларнинг ҳақида маълумот тарқатиш ва ҳибсдагиларни озод этиш талаби билан нишонлади. (epa-EFE/Sergey Dolzhenko)
10. Намойишчилар 27 февраль куни Скопье шаҳрида Македониянинг конституциявий номини ўзгартиришга қарши намойишга хоч ва машъалалар кўтариб чиқди. Бир неча минг киши собиқ Югославия республикаси парламенти олдига ҳукуматдан қўшни Греция билан неча ўн йиллик баҳс юзасидан музокарани тўхтатишни талаб қилиш учун йиғилди. (AP/Boris Grdanoski)
11. 28 февраль куни Словакия пойтахти Братислава шаҳридаги ҳукумат бинолари олдида ўлдирилган словак журналисти Ян Кучак хотирасига шамлар ёқилди. Кучак билан қайлиғи Мартина Кушнированинг жасадлари журналистнинг пойтахт жанубидаги Велка Мача мавзесида жойлашган уйидан топилди. Улар отиб ўлдирилганди. 27 яшар журналист Словакиянинг Aktuality.sk хабарлар вебсайтида ишлар, солиқ тўлашдан бўйин товлаш ҳолатлари ҳақида мақолалар ёзишга ихтисослашганди. Полиция унинг ўлдирилиши журналистик суриштирувларига боғлиқ эканини гумон қилмоқда. (epa-EFE/Matej Kalina)
12. Қарийб 7000 жуфт пойабзал 13 март куни АҚШ Капитолийсининг шарқий тарафдаги майдонга терилди. Пойафзаллар 2012 йили Коннектикут штатининг Ньютон шаҳридаги Санди Ҳук бошланғич мактабида қуролдан отиб ўлдирилган болаларни тамсил қилади. (epa-EFE/Michael Reynolds)
13. Покистонлик киши Карачи шаҳрида 21 март - Жаҳон сув куни арафасида юзига сув сепмоқда. Жаҳон сув куни ҳар йили 22 март куни нишонланади ва унда тоза сув ва ундан оқилона фойдаланишга эътибор қаратилади. (epa-EFE/Rehan Khan)
14. 21 март куни Вашингтон марказида қор ёғаётган пайт кетиб бораётган кишининг елкасида ўтирган қизалоқ. (epa-EFE/Michael Reynolds)
15. Оддий ишчи Яманнинг Ҳудейда шаҳридаги ҳаводан берилган зарба вақтида онаси нобуд бўлган ҳомила жасадини кўтариб турибди. (Reuters/Abduljabbar Zeyad)
16. Шимоилй Корея раҳбари Ким Чен Ин Жанубий Корея президенти Мун Же-ин билан саломлашиш учун қўл чўзмоқда. 27 апрель, икки давлат ўртасидаги қуролсиз ҳудуд - Панмунжом чегара қишлоғи. (Korea Summit Press/AP)
17. Арманистон мухолифати етакчиси Никол Пашинян 2 май куни фуқаровий бўйсунмаслик умумхалқ кампаниясини эълон қилгандан сўнг намойишчилар йўлларни тўсмоқда. (Reuters/Gleb Garanich)
18. Иккинчи жаҳон урушида фашизм устидан қозонилган ғалабанинг 73 йиллигига бағишланган ёруғлик ва лазер нури томошаси вақтида “Она Ватан чорлайди” ҳайкали устида мушаклар ёғилмоқда. 8 май, Волгоград шаҳри, Россия. (Reuters/Tatyana Makeyeva)
19. Жадал лава оқими йўлидаги ҳамма нарсани, жумладан, уйнинг кулини ҳам ўз домига ютмоқда. 19 май, Паҳоа, Ҳавайи. Сўнгги ўн йилликларда энг кучли отилган Килауэа вулқони 40 дан ошиқ уйни ёндириб, кул қилди ва минглаб кишини кўчишга мажбур қилди. (epa-EFE/Bruce Omori)
20. Покистонда рамазон ойида оғизочар пайт йўл чеккасидаги столга бепул озиқ-овқат қўйилади. 27 май, Карачи шаҳри. Дунё мусулмонлари рамазонни кечаси таровиҳ намози ўқиш, кун чиққандан ботгунга қадар, овқат ейишдан тийилиши билан ўтказади. (epa-EFE/Shahzaib Akber)
21. Норозилик намойишчилари 30 май куни Руминия пойтахти Бухарест шаҳридаги ҳукумат қароргоҳи олдида унга қарши шиорлар айтиб бақирмоқда. Конституцион суд коррупцияга қарши фаол курашчи прокурор Лаура Ковесини ҳукумат лавозимидан бўшатиш ҳақида қарор чиқарган ва президент Клаус Йоҳаннесдан бу қарорни маъқуллашни сўраган. Суд қарорига қарши бўлган 2 мингдан одам намойишга йиғилди. Суд Ковесини конституцияни бузишда айблади, аммо тарафдорлари прокурор Руминия сиёсатчилари ўртасидаги коррупцияни тергов қилаётгани учун ҳукумат босимига учраганини айтмоқда. (AFP/Daniel Mihailescu)
22. АҚШ президенти Дональд Трамп ва Шимолий Корея раҳбари Ким Чен Ун 12 июнь куни Сингапурнинг Сентоса курорт оролидаги “Капелла” меҳмонхонасида олиймақом учрашуви чоғида саломлашмоқда. (Reuters/Jonathan Ernst)
23. Ҳондураслик 2 яшар бола йиғлаб турибди, чунки унинг бошпана излаётган онаси 12 июнь куни Техас штатининг АҚШ-Мексика чегараси яқинидаги МакАллен шаҳрида ҳибс олдидан тинтув қилинмоқда. Бошпана изловчиларни Мексикадан Рио-Гранде дарёсини кечиб ўтгач, АҚШ чегара патрули ҳибсга олди, улар энди махсус марказга юборилади. АҚШ Божхона ва чегарани қўриқлаш агентлигига ҳужжати бўлмаган иммигрантларга “рухсат бермаслик” тартибини қўллаши учун кўрсатма берилган. (/Getty Images/AFP/John Moore)
24. Иккинчи жаҳон урушига бағишланган “Мамаев Курган” меморий мажмуасида қоровуллик қилаётган аскар қошидаги терни раҳбарлик қилаётган зобит артиб қўяяпти. 21 июнь, Волгоград, Россия. (Reuters/Sergio Perez)
25. Қиз (ўнгда) Бангладешнинг Кутупалонг қочқинлар жамлоғидаги бошпанада чақалоқ укасини онаси М.га узатмоқда. Бирма хавфсизлик қўшинларининг 6 аскари М.нинг икки яшар ўғлини бўғиб ўлдирган, сўнг уни зўрлаган. Кейинчалик у ҳомиладор бўлиб, ўғил туққанди. У эрига бўлган воқеани гапириб берган, аммо эри бунинг учун унинг ўзини айблаган ҳамда аёлни ҳам, чақалоқни ҳам қаровсиз ташлаб қўйган. (AP/Wong Maye-E)
Трансгендерлар гуруҳи ўз жамоасининг 20 август куни Пешоварда ўлдирилган аъзоси хотирасига мотам тутмоқда. "Назо" исми билан танилган Носир тўйда отиб ўлдирилган, унинг жасади парчаларга бўлиб ташланган эди. (Reuters/Fayaz Aziz)
Суриялик болакай кимёвий бомбадан қўриқлаш учун ясалган қўлбола маскани юзига тортмоқда, 3 сентябрь, Идлиб. (Reuters/Khalil Ashawi)