АҚШнинг Озиқ-овқат ва дори-дармонларнинг сифатини назорат қилиш агентлиги 20 йилдан бери биринчи марта Алцгеймер касаллигига қарши дорини рўйхатга олди. Biogen ширкати ишлаб чиқарган дори Aduhelm деган тижорий ном билан сотувга чиқарилади.
Маълумотда айтилишича, дори касалликнинг белгиларига эмас, балки уни келтириб чиқарадиган сабабларга таъмир кўрсатади.
Алцгеймер асосан кекса ёшдагиларда учрайдиган касалликдир. Бу касаликка чалинган қарияларнинг ақл-заковати, фикрлаш қобилияти ва бошқалар билан муомала қилиш кўникмаси ишдан чиқади.
Бугунги кунда жаҳонда ёши 65 дан ошган 30 миллион киши Алцгеймер дардига чалинган. Мазкур касалликка қарши ишлаб чиқарилган илк доридан Алцгеймернинг дастлабки босқичларида аниқ ташҳис қўйилганидан сўнг фойдаланса бўлади.