Бирлашган Миллатлар Ташкилотининг инсон ҳуқуқлари бўйича мутахассислари Арманистон ва Озарбайжонни Тоғли Қорабоғда яқинда содир бўлган можаро давомида асир олинган шахсларни зудлик билан озод қилишга чақирдилар.
БМТнинг Женевадаги Инсон ҳуқуқлари бўйича Олий комиссарлиги идораси 1 февраль куни эълон қилган баёнотда икки мамлакат ҳалок бўлган шахслар жасадларини «маданий урф-одатларни ҳурмат қилган ҳолда» дафн қилиш учун қайтиб бериши кераклиги айтилади.
«2020 йил 9 ноябрда имзоланган сулҳ битимига биноан, можаро билан боғлиқ сабабларга кўра озодликдан маҳрум бўлган ҳар бир киши ўз уйига қайтарилиши керак ҳамда ҳалок бўлганларнинг майитлари уларнинг қариндошлари ва яқинларига қайтиб берилиши керак», дейилади билдирувда.
Арманистон ва Озарбайжон ўртасида ўт очишни тўхтатиш тўғрисидаги битим ўтган йилнинг 9 ноябрида имзоланганди. Битим шартларига кўра, Арманистон Тоғли Қорабоғнинг бир қисми ҳамда Озарбайжонга қараган етти туман устидан назоратни Боку тасарруфига топширган.