Германия пойтахти Берлинда 25 ноябрь куни эрталаб канцлер Ангела Меркель қароргоҳи дарвозасига “Глобаллашув сиёсати тўхтатилсин” ва “Болалар ва кексаларнинг лаънати қотиллари” ёзувлари ёзилган автомобиль келиб урилган. Ҳодиса чоғида ҳеч ким шикастланмаган.
Ҳужумчи қўлга олинган. Полиция ҳужум сабабларини ўрганмоқда.
BREAKING - A car rammed into the gate of Chancellor Merkel%27s office in Berlin, Germany. "You damned murderers of children and old people" and "Stop the globalization policy" was written on the car.pic.twitter.com/wCLeDqDelm
— Disclose.tv 🚨 (@disclosetv) November 25, 2020
Шу йил 18 ноябрида Германия расмийлари юқумли касалликлардан ҳимояланишга оид қонунга киритилган тузатишларни қабул қилишган. Ҳукумат қонунга киритилган ўзгартишлар коронавирус тарқалиши яна авж ола бошлаган тақдирда кучга кирадиган чекловлар бўйича шартларни аниқ-тиниқ мувофиқлаштиришга имкон беришини иддао қилмоқда. Авваллари Бундестаг чеклов чораларини парламент аралашувисиз федерал ерлар раҳбарлари билан келишган ҳолда қабул қилар эди.
Қонунга киритилган ўзгартишлар Берлинда оммавий норозилик чиқишларига олиб келган. Ҳукуматнинг танқидчилари ҳужжат ГФР Соғлиқни сақлаш вазирлиги ваколатларини кенгайтириб, фуқаролар ҳуқуқ ва эркинликларини чеклайди, деган фикрдалар.
Норозилардан айримлари расмийлар коронавирусга қарши мажбурий эмлов жорий қилишлари мумкинлигини тахмин қиляптилар. Ҳукумат эса буни рад этиб, бу ерда гап тиббий суғуртаси бор-йўқлигидан қатъи назар – барча бирдек эмловдан ўтиши мумкинлиги бораётганини қайд этмоқда.