Дания ҳукумати Россия фуқароси жосусликда айбланиб қўлга олинганини билдирди. Баёнотда айтилишича, жосус Россия разведкасига Дания энергетика технологиялари тўғрисидаги маълумотларни берган.
Дания бош прокуратурасининг 9 декабрда маълум қилишича, жосусликда айбланаётган исми айтилмаётган шахс июль ойидан бери қамоқда сақланмоқда.
Россиянинг Копенҳагендаги элчихонаси қўлга олинган фуқаронинг шахси аниқланганини ва у “тушунмовчилик” оқибатида қўлга олинганини билдирди.
Аммо Дания прокуратураси мазкур шахс махсус хизматлар ва разведка бошқармасининг “жиддий текширувлари” ортидан қўлга олинганини таъкидламоқда. Агар Россия фуқаросининг жосус экани тасдиқланса, у узоқ муддатга қамалади ёки мамлакатдан бадарға қилинади.
Даниянинг Ольборг шаҳар суди бу ишни кўриб чиқади, бироқ ҳозирча суд жараёни қачон бошланиши номълум. Суд ёпиқ эшиклар ортида ўтказилади.