Коронавирус бўйича статистикани олиб бораётган АҚШдаги Жонс Хопкинс университетининг билдиришича, 19 июль ҳолатига кўра, жаҳонда коронавирусга чалинганлар сони 190 миллион 426 минг кишига етди. Беморлардан 4 миллион 89 минг нафардан ортиғи вафот этган.
Касаллик тарқалиши бўйича биринчилик ҳамон АҚШда. АҚШ аҳолисининг 34 миллион 79 мингдан кўпроғига вирус юққан.
Иккинчи ўринда Ҳиндистон (31,144 миллиондан ортиқ), учинчи ўринда Бразилия (19,376 миллиондан ортиқ), тўртинчи ўринда Франция (5,929 миллиондан ортиқ), бешинчи ўринда эса Россия (5,884 миллиондан ортиқ) бормоқда.
Дунё бўйича коронавирусга қарши 3 миллиард 621 миллиондан ортиқ доза вакцина қўлланилган.