Путин АҚШ президенти Жо Байден интервьюсига муносабат билдирди. Жо Байден 16 март куни ABC News телеканалига берган интервьюсида россиялик ҳамкасби Владимир Путинни руҳсиз “қотил” деб ҳисоблашини айтган эди.
Путин бунга жавобан Американи Европа забт этган йилларда “маҳаллий аҳолига нисбатан геноцид уюштирилганини” эслатиб ўтди. Бундан ташқар Путин 1945 йилда АҚШ Япония шаҳарларига атом бомбасини ташлаганини “мантиқсиз ҳаракат” сифатида баҳолади.
Россия-24 канали орқали жонли эфирда намойиш қилинган интервьюсида Путин: “Америкалик ҳамкасбим айтганидай, биз ҳақиқатан ҳам шахсан танишмиз. Мен унга нима деб жавоб қайтаришим мумкин? Мен унга фақат саломат бўлинг, дея оламан! Мен унга саломатлик тилайман”,-деди Путин.
Қирқ йилдан бери сиёсат майдонида юрган Байден ўз интервьюсида ўтган йиллар мобайнида Путинни “анча яхши таниб олган”ини айтиб, унинг қалби борлигига ишонмаслигини қайд этган. “Путинни қотил деб ҳисоблайсизми?” деган саволга эса Байден: “Ммм, ҳа” дея жавоб берган.
Байденнинг мазкур интервьюси ёйинлангани ортидан Кремль Вашингтондаги ўз элчиси Анатолий Антоновни Москвага чақириб олган. Элчи Антонов Москвага “Россия-АҚШ алоқалари ва Қўшма Штатлар янги раҳбариятининг сиёсатини таҳлил қилиш учун консультация”га чақириб олингани айтилмоқда.