Ленинград вилояти Всеволож туманида 22 ёшли ўзбекистонлик қурувчи йигит янги қурилаётган уйнинг юқори қаватидан йиқилиб тушиб, ҳалок бўлди.
78.ru нашрининг полицияга таяниб хабар беришича, ҳодиса 17 июнь куни Старая қишлоғида юз берган. Ўзбекистонлик йигит қурилаётган 12 қаватли уйнинг иккинчи қаватидан йиқилиб тушган.
Йигит Всеволож туман касалхонасига оғир аҳволда олиб келинган. Орадан тўрт кун ўтгач-21 июнь куни йигит касалхонанинг жонлантириш бўлимида хушига келмай вафот этган.