Толибон раҳбари Абдулғани Бародар раҳбарлигидаги 9 кишидан иборат делегация Пекинда Хитой ҳукумати раҳбарлари билан музокаралар ўтказмоқда. Бу ҳақда Толибон матбуот хизмати маълум қилди.
“Музокараларда сиёсат, иқтисодиёт ва ҳар икки давлат хавфсизлигига боғлиқ бўлган масалалар, Афғонистондаги вазият ва тинчлик ўрнатиш жараёни муҳокама этилди”,-деб ёзди 28 июль куни Толибон матбуот котиби Муҳаммад Наим.
Учрашув якунида Хитой ташқи ишлар вазири Ван И Пекин Афғонистоннинг ҳудудий яҳлитлигини ҳурмат қилишини таъкидлаган.
Толибон эса Хитой ҳукуматига Афғонистонни “бошқа бирор давлатнинг манфаатларига зид келувчи ҳаракатларни амалга оширишни мақсад қилган” гуруҳларнинг базасига айланиб қолмаслигини ваъда қилган.