Россия технологияси асосида Қарағанда шаҳрида ишлаб чиқарилган «Спутник V» коронавирус вакцинаси Қозоғистонда рўйхатга олинди. Бу ҳақда COVID-19 тарқалиши олдини олиш бўйича республика идоралараро комиссияси маълум қилди.
Билдирилишича, 13 февраль куни Қозоғистон Соғлиқни сақлаш вазирлигида вакцинанинг хавфсизлиги, сифати ва самарадорлиги тўғрисида экспертиза хулосаси қайд этилган.
Қозоғистон «Спутник V» вакцинасидан фойдаланишни маъқуллаган 27-давлат бўлди.
Бугунга қадар Россиядан ташқари Беларусь, Аргентина, Сербия, Жазоир, Парагвай, Туркманистон, Венгрия, Бирлашган Араб Амирликлари, Эрон ва бошқа мамлакатларда ушбу вакцинадан фойдаланишга изн берилган эди.