Ўзбекистон президентлигига қолиши айтилаётган Ислом Каримов президент сайловига ҳали ўз номзодини расман қўймаган бир пайтда унинг назоратидаги партиялар ўз номзодларини кўз-кўз қила бошлади.
Ўзбекистонда расмий рўйхатдан ўтган 5 партиядан бири – “Адолат” социал демократик партияси пленуми партия сиёсий кенгаши биринчи котиби Дилором Тошмуҳаммедова номзодини президентликка номзод этиб кўрсатиш ҳақида қарор қабул қилди.
“Transparency International” ташкилотининг дунё мамлакатларида коррупция даражаси ҳақидаги йиллик ҳисоботида Ўзбекистон коррупция энг ривожланган давлатлар сафидан жой олди.
Бундан бир ҳафта аввал президент сайлови куни ва сайловолди кампанияси ҳақида эълон қилган Ўзбекистон Марказий сайлов комиссияси раиси Мирзоулуғбек Абдусаломов унда бир неча номзод иштирок этишига шаъма қилган эди.
Тошкентдан олинган хабарларга кўра, Ўзбекистонда расман рўйхатдан ўтган партиялар раҳбарларига декабрь ойидаги президент сайловида амалдаги раҳбари Ислом Каримовга рақиб бўлиш тавсия қилинган.
Ўзбекистон Марказий сайлов комиссияси мамлакат президентлигига сайлов 2007 йилнинг 23 декабрь куни бўлиб ўтишини расман эълон қилди. Аммо ҳали сайловга оид кўплаб саволлар очиқ қолмоқда.
Мустақил журналист Жамшид Каримов руҳий касалликлар шифохонасига мажбуран ётқизилганига бир йил бўлди. “Чегара билмас мухбирлар ташкилоти” яна бир бор Жамшиднинг саломатлигидан хавотир билдириб, унинг дарҳол озод этилишини талаб қилди.
Исломий жиҳод иттифоқи (ИЖИ) Интернет орқали баёнот тарқатиб, Германияда олди олиб қолинган террорчилик ҳужумлари учун масъулиятни ўз зиммасига олди ва мақсадларини ҳам ойдинлаштирди.
11 сентябрь куни Москва шаҳар суди Ўзбекистон фуқароси Яшин Жўраевни Россиядан мажбурий равишда депортация қилиш тўғрисидаги Мешанск туман суди ҳукмини бекор қилди. Ҳакамлар озод қилиш ҳақида буйруқ берганидан сўнг Жўраев вақтинчалик ҳибсда сақлаш марказидан дарҳол қўйиб юборилди.
Фарруҳ Юсуфий 6-10 сентябр кунлари Хитой делегацияси Ўзбекистон парламенти таклифи билан Тошкентда меҳмон бўлди. Хитой Умумхалқ Мажлиси Доимий қўмитасининг ўринбосари Хе Лули хоним бошчилигидаги делегация Ўзбекистон қонунчилик палатаси раиси Эркин Халилов, Бош вазир Шавкат Мирзиёев ва бошқа расмийлар билан учрашди.
Жиззах вилоятининг Пахтакор шаҳарчасида икки лўли йигити олти яшар ўзбек боласини зўрлагани сабабли ўтган шанба куни бу ерда ўзбеклар ва лўлилар ўртасида катта жанжал келиб чиқди.
Наманган вилояти мусулмонлари диний бошқармаси рамазон ойи ичида вилоятдаги масжидларда маъруза қилиш, ваъзхонликни тақиқлади. Таровиҳ намозларини эса соат 22га қадар тугатиш буюрилди.
Давомини ўқинг
