Янги йил арафасида "Эркин микрофон"га қўнғироқ қилган мухлисларимизнинг аксари газ ва электрнинг йўқлигидан, байрамни совуқ ва қорунғу уйда кутиб олишга тўғри келишидан гапирса-да, зора ҳукуматимиз "Қорбобо"лик қилиб, ҳеч бўлмаса байрам куни газ ва светни ўчиришмаса, деган умидлари борлигини ҳам айтишди.
Ўзбекистонликларнинг кўпчилиги бу йилги қишни ҳам газсиз ва электрсиз ўтказишга мажбур. Улар кириб келаётган янги йилни уйни иситиш ташвишидан ҳоли ва телевизорда бериладиган кўнгилочар кўрсатувларни узилишларсиз кўришга умид қилмоқда.
Сирдарёда 10 ёш йигит “қўпорувчилик”да айбланиб, 7 йилдан 12 йилга қадар озодликдан маҳрум қилинди. "Эзгулик" жамиятига кўра, Сирдарё вилоятидан ўтадиган темир йўлни бузишга уринган бу йигитлар мамлакатда ижтимоий-сиёсий вазиятни издан чиқришга ҳаракат қилганликда айбланмоқда.
Кечаётган йилда ўзбек адабиёти Одил Ёқубов, Пиримқул Қодиров каби ёрқин намояндаларидан маҳрум бўлди. Ўзбек адабиёт ихлосмандлари учун азиз бўлган Андрей Вознесенский, Белла Ахмадулиналар ҳам кечаётган йилда оламдан ўтди. Ҳижратда яшаётган ўзбек шоири Муҳаммад Солиҳ адабиёт оламидаги бу йилги икки йўқотиш ҳақида фикр юритади.
Саратов вилоят суди Россия Бош прокуратурасининг ўзбекистонлик Давронбек Хўжамбердиевни экстрадиция қилиш хақидаги қарорини бекор қилди. Асли андижонлик Давронбек Хўжамбердиев Ўзбекистон Россиядана экстрадиция қилишни сўраган ягона қочқин эмас.
Ўзбекистонлик таниқли тарихчи олим, профессор Файзулла Исҳоқов 74 ёшида оламдан ўтди. Ҳамкасблари ҳақгўй, миллатпарвар шахс сифатида эътироф этувчи Файзулла Исҳоқов ўзбек тарихчилигида Марказий Осиёнинг рус истилочилари томонидан босиб олинишини биринчилардан бўлиб ёритган эди.
Ўзбекистон 2011 йилда Қирғизистонга сотиладиган ҳар минг куб метр газ нархини 255 доллар қилиб белгилади. Бу баҳонинг Бишкек умид қилаётган баҳодан қарийб икки баробар қиммат экани қирғиз газчиларининг ҳафсаласини пир қилди.
Ўзбекистон президенти 28 декабр куни Элёр Ғаниевни Ўзбекистон Ташқи ишлар вазири этиб тайинлади. Кузатувчилар учун илгари ташқи ишлар вазирлигидан туширилган Ғаниевнинг бу вазифага қайта тайинланиши ва Владимир Норовнинг ишдан олиниши кутилмаган ҳол бўлди.
29 декабр куни "Эзгулик" инсон ҳуқуқлари жамияти Ўзбекистонда хизмат кўрсатган артист Дилнура Қодиржонова сирли ўлими юзасидан берган баёнотларига шу таxлит раддия эълон қиларкан, бунга мажбурловни ташкилотни ушлаб туриш билан халқаро ҳамжамият ўнгида сиёсий очко олаётган ҳукуматнинг ўйинлари ўлароқ баҳолади.
Тирикчилик илинжида чет мамлакатларда ишлаб юрган ўзбекистонлик меҳнат мухожирлари армияси фақат ғишт терувчи, сувоқчи, бўëқчи ёки кўча супурувчилар, энага-фаррошлар, бир сўз билан айтганда қора ишчилардан иборат эмас афтидан. Сўнгги йилларда ўзбекистонлик профессионал врачлар ҳам ўзга юртларда ўрнашди.
Turtkul Milliy bank (USA dollari uchun) 202068 40 69 99 76 07 3 001 MFO: 00846 Western Union yoki boshqa pul o’tkazmalari uchun: Uzbekistan. Karakalpakistan. Turtkul region. Zulfiya Begalieva. Passport: CK 052 55 28 Tel: +998941453950
Айниқса, 2009-2010 йиллар давомида Каримов ҳукуматига яхшигина хизмат қилган Владимир Норовнинг кутилмаганда Ташқи ишлар вазири лавозимидан олиниб, вазирнинг биринчи ўринбосари даражасига туширилгани баъзи таҳлилчилар фикрича, расмий Тошкентнинг ташқи сиёсатда янги даврга ҳозирлик кўраётганидан ишоратдир.
Давомини ўқинг
