Париждаги "Чегара билмас мухбирлар" ташкилоти ўзининг йиллик мукофотини 15 йилдан буён қамоқда сақланаётган ўзбекистонлик журналист Муҳаммад Бекжонга бериш тўғрисида қарор қабул қилди. Матбуот эркинлиги ҳимояси учун курашчи сифатида тақдирланаётган Муҳаммад Бекжон қамалишидан олдин мухолифатдаги “Эрк” демократик партияси нашрига мухаррирлик қилган
Кейинги кунларда Россия маъмурлари меҳнат муҳожирларни, жумладан, ўзбекистонликларни оммавий равишда депортация қилишни давом эттирмоқда. OzodJavobнинг навбатдаги сонида кўпчиликни қизиқтираётган савол - “Депорт қилиниб, Ўзбекистонга қайтганлар бирор муаммога дуч келиши мумкинми”, деган саволга жавоб излаймиз.
2011 йилдан бошлаб Тошкент-Самарқанд йўналишида қатнай бошлаган “Афросиëб” тезюрар поезди йўлида ўрнатилган симтўрларнинг ўғирлаб кетилаëтгани¸ болаларнинг эса тезюрар поездга тош отишлари ўзбек расмийларини ҳаракат хавфсизлигини таъминлаш учун муайян тадбирларни қўллашга мажбур қилмоқда.
Сарлавҳага чиқарилган меъёр Ўзбекистонда 25 ноябрь куни кучга кирган “Тижорат банкларида жиноий фаолиятдан олинган даромадларни легаллаштиришга ва терроризмни молиялаштиришга қарши курашиш бўйича ички назорат қоидалари”да белгилаб қўйилди.
Анча консерватив ҳисобланадиган, қизини иложи борича маҳалласидан узоқлаштирмайдиган ўзбек нима учун бугунга келиб Узоқ Шарқдаги корейслар билан қуда тутина бошлади? Бу ҳолат миллат зеҳниятида кескин ўзгариш юз бергани аломатими ёки бошқа сабаблар борми? Шу ва бошқа саволларга адабиётшунос олим Бахтиёр Исабековнинг OzodNazarидаги жавобларни тингланг.
"Ўзбекистон-Эрон” дўстлик жамиятининг Самарқанд бўлими собиқ етакчиси Равшан Ғуломов Ислом динининг шиа йўналишини тарғиб қилувчи “ноқонуний миссионерлик фаолият”и олиб борганлигини фош қилувчи кўрсатув 21 ноябр куни “Ўзбекистон” телеканалида ëйинланганидан кейин Самарқанд¸ Бухоро ва Жиззахдаги бир неча масжид ва "Ўзбекистон-Эрон" дўстлик жамияти бўлимлари ходимлари билан махсус идоралар вакиллари Ислом динининг Шиа йўналишини тарғиб қилмаслик ҳақида суҳбатлар ўтказди.
Бухоро вилоятининг Ромитан туманида ўтган ҳафта отиб ўлдирилган врач Ўктам Баракаев, тахминларга кўра, рашк асосидаги қасос қурбони бўлган. Бу ҳақда Озодликка Ромитан туман ички ишлар бўлимидаги манба маълум қилди.
Ўзбекистон пойтахтида мамлакат президентининг тўнғич қизига қарашли экани айтиладиган Premier Hall Cinema кинотеатри ва Сити Макон савдо кўнгилочар марказидаги City Makon Cinema кинотеатрлари ёпиб қўйилди.
Наманган вилоятининг Чортоқ туманида шанбадан якшанбага ўтар кечаси 41 яшар Аваз Аминов бирданига уч кишини пичоқлади. Жароҳат олганлардан бири касалхонада жон берди. Озодлик манбалари операция пайтида касалхонада чироқ ўчгани ва шифокорлар "движок"ни улашга мажбур бўлганини хабар қилди.
Қашқадарёдаги “Деҳқонобод калийли ўғитлар заводи” унитар корхонаси раҳбарияти 1176 нафар ишчисига беш ойлик иш ҳақини бера олмаяпти. Завод мулозимларига кўра, ишлаб чиқариш маҳсулотларига харидорлар камайиши боис иш ҳақи билан боғлиқ муаммо юзага келган.
Гулнора Каримовага қарашли тузилмаларнинг ҳуфя бизнеси ҳисоб-китобини юритгани айтиладиган "Нурик" - Нурмуҳаммад Содиқов эканини иддао қилган фойдаланувчи Twitter тармоғида пайдо бўлди. @nurik_sadykov номи остида ёзаётган фойдаланувчи илк твитларидаёқ Гулнора Каримова уни ўғирлаганига оид айбловлар ростлигини даъво қилди.
Ўзбекистондаги Инсон ҳуқуқларини ҳимоя қилиш альянси 1987 йилда туғилган Сайфиддин Қурбоновнинг милиция ходимлари томонидан қийноққа солингани тўғрисида хабар қилди. Альянс вакили Елена Урлаеванинг иддаосича, Миробод туман ички ишлар бўлимининг бир неча ходими вояга етмаган ўспиринни зўрлаш айбни бўйнига қўйиш учун Қурбоновни қийнаган.
Давомини ўқинг
