Ўзбекистонда давом этаётган пахта йиғим-теримига давлат ташкилотларидан ташқари, хусусий ширкатлар мажбуран жалб қилинди. Хусусий фирмалар ходимларини пахтага жўнатиш ёхуд барча ходимларининг 2-3 кунлик иш ҳақини пахта кампанияси харажатларини қоплаш учун ўтказиб беришга мажбурланмоқда.
Ўзбекистон Исломий ҳаракати раҳбари Усмон Ғозий эълон қилинган баëнотда “Ироқ ва Шомда Исломий Халифалик эълон қилингани хабари” ҳаракат аъзоларини “хурсанд ва хушнуд” қилгани таъкидланади. ЎИҲ дунё мусулмонларини “Исломий Хилофатнинг тикланиши” билан табриклаб жангарилар сафига қўшилишга чақирди.
Ўзбекистон Республикаси Миллий хавфсизлик хизмати ташкил этилганининг 23 йиллиги муносабати билан "Тошкентвино" комбинати "Праздничная" сериясидаги махсус ароқ ишлаб чиқарди.
Қорақалпоғистоннинг Хўжайли туманида пахта теримига сафарбар этилган Тахиатош касб-ҳунар политехника коллежининг 18 ёшли ўқувчиси Мажид Ўтеганов 28 сентябрь куни ўзини осди. Озодлик манбасига кўра, воқеа пахта терими мавсумида ўқувчилар вақтинча яшаб турган хонадонда содир бўлган.
1 октябрь - Ўқитувчи ва мураббийлар кунини бу йил ҳам миллионлаб ўқитувчи-талаба далада пахта териш билан ўтказди. Дунëнинг йирик шаҳарларида ўзбек ўқитувчи ва талабаларининг пахта қулига айлантирилганига қарши норозилик тадбирлари бўлиб ўтган бир пайтда¸ ўзбек маорифчилари мажбурий меҳнатдан қутулиш йўлини кўрмаëтганларини айтмоқда.
Аксар ўзбекистонликлар учун океан ортидаги “сеҳрли диëр”да ишлаб¸ пул топиш имконини берувчи Green Card лотереясида ютиш катта орзуга айланган. 2014 йилнинг 1 октябридан ана шу орзуни кўзлаëтганлар учун ариза топшириш жараëни бошланди.
Тошкент бозорларида қўй қимматлади. Шу кунларда энг сара қўй нархининг пойтахтда 2 ярим миллион сўмга чиққани айтилмоқда. Бир ҳафта олдин 800 минг турган кичикроқ қўйларнинг шу кунларда Тошкентда бир миллиондан сотилаëтгани аëн бўлди.
29 сентябрдан кучга кирган янги тартибга кўра, Ўзбекистондан учиб кетаётган йўловчиларнинг радио ва телеаппаратуралари, аудио ва видеотехникалари, компьютерлари, планшетлари ва мобил телефонлари текширилиши шарт. Айни пайтда МХХ ходимларига йўловчиларнинг компьютеридаги шахсий маълумотларни текшириш тақиқланади.
Гулнора Каримовага доир жиноят иши хусусида қўшимча тафсилотлар Озодликка ишончли манба томонидан тақдим қилинди. Манбанинг иддао қилишича, Гулнора Каримова Ўзбекистонда қидирувга берилган Баҳодир Кариможонов бизнес тузилмаларидан миллионлаб АҚШ доллари миқдорида “улуш” олиб турган.
BahsOnline жонли мулоқотининг 1 октябрь, чоршанба куни Тошкент вақти билан соат 19.05да ўтказилган навбатдаги сони учун ўзбек футболи мавзуси танланишига Stadion.uz сайти журналистларининг келишилган ўйинларга қарши бойкоти туртки бўлди. Сиз ҳам бойкотга қўшиласизми ёки йўқ?
Тошкентда ўндан зиёд заргарлик дўкони "қора ниқоблилар"нинг рейди ортидан ёпиқлигича қолмоқда. Ўзларини солиқ инспекцияси ходимлари деб таништирган махсус гуруҳ ўтган ҳафта дўконларга бостириб кириб, заргарлик ва тилла буюмларни олиб кетган эди. Дўкон эгалари текширувчиларни қароқчиликда айбламоқда.
Ўзбекистонда ташкилот ва идоралар ишчи -хизматчиларига 40 минг сўмдан 500 минг сўмгача “пахта солиғи” солинмоқда. Ҳар бир ходим пахтага чиқмаса, пул тўлашга мажбурланаяпти. “Пахта солиғи”ни тўламаган ходимлар эса ишдан бўшатилаяпти.
Давомини ўқинг
