АҚШдаги ABC News телеканали ўзбекистонлик криминал авторитет Ғафур Раҳимов 2014 йилги қишки олимпиада ўйинлари учун Россиянинг Сочи шаҳри танланишида қўли борлигини тан олганини хабар қилди. Телеканалнинг Дубайдаги мухбирига интервью берган Раҳимов бу ишга пора аралашганини рад этган.
2 февралга ўтар кечаси Хоразм вилоятининг Шовот туманида ҳаво ҳарорати - 26 даражагача пасайиб, газ қувури икки марта ёрилиб кетгани оқибатида аҳоли газсиз қолди. Туман газ идораси расмийси Озодликка авария бартараф қилгани ва ҳозирда аҳолига газ етказиб бериш қайта йўлга қўйилганини билдирди.
Украина пойтахти Киев марказида қарийб икки ойдан бери қайнаб тошаëтган сиëсий жараëнлардан хабардормисиз? Евромайдон ривожини қайси ахборот воситаси орқали кузатаяпсиз ва улар ҳақида қандай фикрдасиз? 3 февраль куни Тошкент вақти билан 21:05 дан бошлаб OzodSkype ва OzodlikOnline Skype манзиллари орқали шу мавзудаги жонли суҳбатга қўшилинг!
13 январь кунги қарорига мувофиқ Тошкент шаҳар ҳокими Раҳмонқул Усмонов 2013 йилнинг 8 апрель куни ўзи имзо чеккан 314-сонли қарорини бекор қилди. Тошкент шаҳар ҳокимлиги расмийсига кўра¸ янги қарор пойтахтдаги гаражларни бузишга асос бўлган эскиси ижроси вақтинча тўхтаганини англатади.
Совет даврида танилган арбобларнинг номларини кўчалардан ўчириш “Мустақил Ўзбекистондан компартия соясини олиб ташлаш учун” қилинаётган бўлса, нега унда республикани Москва номидан бошқарган Рашидовнинг номи сақланмоқда? Қани бу ерда мантиқ? Ёки бир ёзувчининг номи ўчирилиб, бошқасиники қолдирилаяпти. Агар эътибор берсангиз, номи ўчирилмаганнинг ҳимоячиси бор. Ўчирилганлари эса, “бева-бечора“ марҳумлардир.
Тошкент шаҳар ҳокимияти халқ депутатлари Кенгашининг қарорига биноан шахс исмлари билан аталган маҳалла ва кўча номлари ўзгартирилди. Айрим маҳалла фаоллари элга танилган ва халққа хизмати сингган шахсларнинг номи шаҳар кўчаларидан олиб ташланганига норозилик билдираяпти.
Ўзбекистон олий ўқув юртларига ўқишга кирмоқчи бўлган ҳар бир абитуриент ўз билим даражасини аниқлаш учун синов тариқасида олдиндан тест топишириб кўриш имконига эга бўлди.
Ўзбекистонда 11 декабрдан буён чоп қилинмаётган энг катта тиражли, кўнгилочар “Даракчи” хусусий газетаси 31 январдан бошлаб мамлакат дўконларида сотувга чиқарилди.
30 январь куни авария ҳолатида Екатеринбург шаҳри аэропортига қўнишга мажбур бўлган Екатеринбург - Наманган рейси йўловчилари бошқа самолётда Ўзбекистонга етиб келишди. Бу ҳақда "Уральские авиалинии" ширкати маълумот тарқатди.
Демократик партия қонунларга юзаки ёндашаётгани танқид қилинди. Харидорлардан “Нексия” ва “Дамас” учун устама ҳақ олган фирма раҳбари қамалди. Наманганда уй талашган ука акасини чавақлади.
30 январь куни Москвада Ўзбекистон прокуратураси томонидан оғир иқтисодий жиноятларда айбланиб¸ халқаро қидирувга берилган Франция фуқароси Эрик Кокини устидан дастлабки маҳкама бўлиб ўтди. Ўзбекистон ҳукумати ўз ихтиëрига топширилишини талаб қилаëтган Кокини 14 февралга қадар Москвада ҳисбда сақланадиган бўлди.
29 январь куни Тошкент вақти билан кеч соат 7.30 ларда Тошкент шаҳар ички ишлар бошқармасига олиб кетилган таниқли ўзбек кинооператори Умида Аҳмедова ва унинг ўғли, Россиядаги Лента.ру нашрининг фотомухбири Темур Карпов ва яна олти киши ишини 30 январь куни Тошкент шаҳар Жиноят ишлари бўйича Ҳамза туман суди кўриб чиқди.
Давомини ўқинг
