Ўтган ҳафтада Ўзбекча Википедияда “Пул ювиш” мақоласи бойитилган эди. Бу ҳафтада мазкур Интернет энциклопедияда “Аннексия” мақоласи пайдо бўлди. Шундай қилиб, Википедиянинг баъзи қўшни тиллардаги вариантларидан бироз ортда қолаётган Ўзбекча Википедия кундан кунга бойиб бормоқда. Википедиячи энтузиаст ёшлар энг аввало шу куннинг долзарб мавзуларидаги мақолаларга асос солаяпти, борларини таҳрир қилаяпти.
Ўзбекистоннинг корхона, ташкилот, муассасаларида ишлайдиганлар агар маош фақат 1000 таликда берилса. бир ойда маош тарзида 5 минг 475 тонна пул олади. Бунча пул 60 тонна юк оладиган товар вагонларига ортилса 91 вагонни эгаллайди. Хўш, нима учун Ўзбекистон ҳукумати “сиғими” каттароқ пул чиқармаяпти?
Тожикистоннинг Сўғд вилояти, Ашт туманида туғилиб ўсган Дониёр Жўраев шу пайтгача танишганимиз ўзбек википедиячиларининг энг ёши. Дониёр эндигина 21 га кирган. “Ўқитувчиларимиз берган вазифаларни бажариш учун Википедиядан маълумот изларканман, аксарият ҳолатларда фақат русчасига дуч кела бошладим. Шундан сўнг ўзбекчасига ҳисса қўшишга қарор қилдим”, деди Дониёр OzodWiki саволларига жавоб берар экан.
Референдум воситасида бир давлатга оид ҳудуднинг иккинчи давлатга ўтиши¸ кун тартибига қатор саволларни чиқарди. Бу саволлардан бири ҳарбий куч паноҳида ўтган референдумнинг легитимлиги масаласи бўлса¸ иккинчиси Россиянинг СССРни қайтариш орзусидир. Тақдир тақозоси билан Россиянинг Қримни аннексия қилиш қарори СССРни сақлаб қолиш учун 23 йил аввал ўтказилган референдум билан айни кунга тўғри келди.
Кремлнинг Қримни аннексия қилиши ортидан Россия элчихонаси паноҳи остида Тошкентда ўтказилган тадбирда Туркистон ишғоли пайтида Тошкентда яшаган буюк князь Николай Константинович Романовнинг минтақа тарихидаги "буюк хизматлари" эслатиб қўйилди.
Ўзбекистонда уяли алоқа операторлари, коммунал хизматларга пул ўтказишни йўлга қўйган ягона монопол ширкат UZPAYNET Вазирлар Маҳкамасини қарори билан мижозлардан 6 фоизли комиссия пули олишдан маҳрум этилди.
Ўзбекистон Иқтисодиёт вазирлиги Тожикистон ва Қирғизистондан Афғонистон ҳамда Покистонга электр узатишга қаратилган CASA-1000 лойиҳаси минтақа иқтисоди ва экологияси учун ҳалокатли бўлишини иддао қилмоқда.
Ўзбекистон Меҳнат ва аҳолини ижтимоий муҳофаза қилиш вазирлиги эълон қилган янги статистик рақамларга кўра, Ўзбекистонда 2013 йилда иш билан банд аҳоли 12 ярим миллиондан кўпроқни ташкил этган. Бу 2012 йилдагига қараганда 2,5 фоизга кўпдир. Ўзбекистонда ишсизлар сони эса, 2013 йилда, 650 минг кишидан сал кўпроқ.
Ўз ўғлига исломий қиссалар ëзилган дискларни қидириб топа олмаган журналист Адиба Отаева бундай маҳсулотни ўзи ишлаб чиқаришга қарор қилди. Адиба Отаеванинг болаларга атаб чиқарган навбатдаги сасли китоби “Нуҳ” пайғамбарнинг дунëни сув босган пайтда инсониятни қутқаргани ҳақида ҳикоя қилади.
Одатда Президент иштирокидаги байрамлар ўтказиладиган майдон атрофидаги кўчалар юк машиналари билан тўсиб қўйилади. Бу йил ҳам шундай бўлди. Мен байрам тадбирини кўрмоқчи бўлсам, ўша машиналар олдигачагина, масалан, Гангагача (Тошкентнинг Хадра майдони яқини) бора олишим мумкин. Ундан уёғига ўтказишмайди, деб ҳикоя қилди мустақил журналист Абдураҳмон Ташанов.
Ўзбекистон музейларидаги кўп асарларнинг оригиналлари пулланиб¸ ўрнига қўлбола нусхаларини қўйиш амалиëти урчигани тўғрисидаги маълумотлар кўп. Жорий ҳафтада Ўзбекистон Давлат санъат музейи заҳирасидаги олтита расм алмаштириб қўйилгани маълум бўлди.
Йиллардан бери "Нега Green Card ютаëтган ўзбекистонликларнинг кўпчилигини самарқандликлар ташкил қилади?" деган савол жамоатчиликни қизиқтириб келмоқда. Озодлик ўтказган журналистик суриштирув натижасида бу саволга ойдинлик киритувчи қатор фирибгарлик схемалари фош бўлди ва ҳозирда бу схемалар АҚШ Давлат департаменти томонидан яқиндан ўрганилмоқда.
Давомини ўқинг
