Бир томондан¸ жамият нафрати¸ иккинчи томондан¸ гомосексуалликни жиноятга тенглаштирган ҳуқуқ тизими исканжасида қолган жинсий озчилик вакиллари Ўзбекистонда мунтазам таҳқир ва шантаж нишони бўлиб қолмоқда. Жамият ва давлат тизимларининг жинсий озчиликка нисбатан бундай муросасиз муносабати илдизи қаерда ва бу ëндашувни ўзгартириш мумкинми? Душанба кунги жонли мулоқотимиз шу ҳақда бўлади.
Бузилган уйи ўрнига қуруқ ер олган шаҳрисабзликлар товон пули бир неча ойдан бери берилмаётгани, оз сонли оилаларга берилган пул ҳам пластик карточкага туширилаётганидан арз қилди. Шаҳрисабз туман ҳокимияти эса товон пули етарли миқдорда берилгани ва зарур ёрдам кўрсатилганини иддао қилди.
20 сентябрь куни эрталаб Чикаго-Истанбул-Тошкент рейси билан Ўзбекистон пойтахтига учиб келган мухолифатдаги “Бирдамлик” ҳаракати лидери Баҳодир Чориевнинг хотини ва ўғли аэропорт ташқарисига чиқарилмасдан Ўзбекистондан депортация қилинди.
Андижон вилояти Олтинкўл туманида тунда пахта ортиб кетаётган трактор прицепига Нексия автомобили урилиши оқибатида бир киши ҳалок бўлди, уч киши оғир жароҳат билан касалхонага ётқизилди. Воқеа гувоҳларининг айтишича, трактор шатакка олган прицепларда тунда ташқи ёритгич чироқлари ўчиқ бўлган.
Ўзбекистоннинг кўпгина вилоятларида бу йил ҳам нақд пул биринчи навбатда пахта теримчиларга берилаётгани боис нафақахўрларга нафақа пули ўз вақтида тарқатилмаётир. Нафақахўрлар ўз ҳақини талаб қилиб, турли идоралар остонасига бош урмоқда.
19 сентябрь куни тушдан кейин Тошкентнинг Шайхонтоҳур туманидаги “Ганга” магазини яқинидаги майдонда сапёрлар кислород баллонига ёпиштирилган номаълум жисмни зарасизлантиргани ҳақида Озодликнинг бир-биридан мустақил икки тингловчиси хабар берди. Хабарларга кўра, Себзор кўчаси бир соат давомида ёпиб қўйилган.
Шанхай ҳамкорлик ташкилотига аъзо давлат махсус хизматлари раҳбарлари Душанбеда ўтказган йиғинда Ироқ¸ Сурия ва Афғонистон каби уруш зонасидан ватанига қайтаëтганларни потенциал террорчига чиқарди ва бундайларга қарши биргаликда кураш чораларини муҳокама қилди.
Агар Ўзбекистонда ҳам Украинадаги каби люстрация қонуни қабул қилинса, мамлакатни коррупциядан қандай тозалаш мумкин? Ўзбеклар Болтиқбўйи¸ Германия¸ Чехия ва Грузиядаги каби мутлоқ люстрацияга тайëрми? Шу каби саволлар жавобини Қурултойнинг янги сонида изладик.
Тошкент Давлат Политехника университетининг 4- курс талабаси OzodMaktubга мактуб йўллаб, касал талабалар ҳам пахта теримига чиқишга мажбурланаётгани ҳақида ёзди:
АҚШ Давлат департаменти эркагу аëл ва болалар мажбурий меҳнат, шунингдек секс савдосига зўрланаëтган давлат сифатида Ўзбекистонни бу борада дунëдаги энг қуйи поғонага киритганига қарамай¸ президент Обама бу поғонадагилар учун қўлланиши кўзда тутилган жазо чораларини Ўзбекистонга нисбатан жорий этмасликка қарор қилди.
17 сентябрь куни Қашқадарёдаги Чироқчи Саноат коллежининг ўқувчилари ЗИЛ юк машинасида пахта теримига олиб кетилаётган пайти аварияга учради. Юк машинасида бўлган 39 боладан 29 нафари авария оқибатида жароҳатланиб шифохонага ётқизилди.
Навоий вилоятининг Хатирчи Агросервис касб-ҳунар коллежининг пахта теримига чиқарилган учинчи курс ўқувчилари 18 сентябрь куни кечки овқатсиз қолди. Ўқувчилар, шунингдек, ётоқдаги шароитнинг ёмонлигидан, ичимлик сувнинг танқислигидан шикоят қилмоқда.
Давомини ўқинг
