Таниш қўшиқлар саҳифасининг бугунги сонига Ўзбекистон халқ шоири марҳум Тўра Сулаймон томонидан ёзилган ва оламдан ўтган таниқли ҳофиз Фахриддин Умаров ижро қилган "Умр ўтмоқдадир" қўшиғини танладик. "Умр ўтмоқдадир" қўшиғи Фахриддин Умаров босиб ўтган умр сарҳисобидек янграйди.
Ўзбекистонда “Тадбиркорлик фаолияти эркинлигининг кафолатлари ҳақида”ги қонунга киритилган ўзгартишлар асосида тадбиркорлар фаолиятига давлат идораларининг аралашиши тақиқланди. Бундан буён давлат идоралари ва мансабдор шахсларнинг тадбиркорларга шартнома тузиш, пул ўтказиш, хайрия қилиш, раҳбар сайлаш каби ишларда кўрсатма беришга қонунан ҳаққи йўқ.
Британия пойтахти Лондондан эллик чақирим ғарбда жойлашган Рединг шаҳрида Ўзбекистон фуқароси ўзи яшаган уйда ўлик ҳолда топилди. Рединг полицияси ўлган шахс 36 ёшли ўзбекстонлик Бобур Эсонов экани ва уни ўлими юзасидан тергов бошлаганини билдирди.
Андижон шаҳри марказидаги 13- асрда қурилган минорани бузиб, унинг ўрнига фонтан қуриш режаси бекор қилинди. Ўтган ой бошида минора бузилишига қарши норозиликлар ҳақида Озодлик ёритганидан сўнг ҳукумат комиссияси тузилган. Минора билан боғлиқ вазиятни ўрганган комиссия ёдгорликни бузмаслик ҳақида қарор чиқарган.
Президент Каримов 29 декабрда имзолаган ва 30 декабрь куни кучга кирган янги қонун билан мамлакат Жиноят кодексига яна бир модда қўшилди. Янги - 229-3- моддада назарда тутилган жиноятни содир этганлар уч йилгача ахлоқ тузатиш ишлари билан жазоланиши мумкин.
2016 йилда Россиянинг “Газпром” ширкати Ўзбекистондан табиий газ сотиб олишни кўпайтиради. Аввалроқ “Туркмангаз” масъуллари “Газпром экспорт” ширкати 2016 йил 1 январидан Туркманистон газини сотиб олишни тўлалигича тўхтатиши ҳақида билдиргандилар.
Ушбу портал орқали доимий прописка учун ҳужжат топшириш имкони пайдо бўлгани ҳақидаги Озодлик хабаридан ярим кун ўтар-ўтмас хизмат бекор бўлди. Порталнинг фуқароларга 3 кун ичида Тошкент шаҳрига доимий пропискани ваъда қилган саҳифаси эндиликда "прописка учун зарур ҳужжатлар нусхасини олиш" хизматини таклиф қилмоқда.
