14 йил қамоқда сақланган ва 2014 йилда озодликка чиқарилган сиёсий маҳбус Мамадали Маҳмудовга мамлакатдан хорижга чиқиш визаси берилмаяпти. Сал кам чорак аср тутқунликда ўтирган яна бир сиёсий маҳбус Самандар Қўқоновнинг эса, Ўзбекистон ичида ҳаракатланиши чекланган. 18 йиллик қамоқ ортидан ўтган ойда очиқликка чиққан журналист Муҳаммад Бекжон эса ўзбек паспортини олиш қайғусида юрибди.
Тошкент шаҳар ички ишлар бош бошқармаси маълумотига кўра, жорий йилнинг икки ойи мобайнида Тошкент шаҳрида ота-она қаровисиз қолган, бозорларда меҳнат қилаётган 1400 нафар бола ушланиб, улар Вояга етмаганларга ижтимоий-ҳуқуқий ёрдам кўрсатиш марказига юборилган. Ички ишлар мулозимига кўра, бу болаларнинг аксарияти вилоятлардан келган бўлиб, бозорларда арава тортиш, машина ювиш каби ишлар билан шуғулланган.
Қирғизистонлик тадбиркор Акмал - Озодликнинг "Блогистон"и меҳмони. Унинг фикрича, Ўзбекистоннинг янги Президенти мамлакатда туризмни ривожлантириш, қўшнилар билан алоқаларни тиклаш ва мустаҳкамлаш ҳақида кўп гапирмоқда, лекин амалда бу соҳада ўзгариш сезилай демаяпти. Қолган гапларни унинг блогидан ўқинг.
Шаҳар ҳокимлиги вакилининг Озодликка айтишича, оғир иқтисодий аҳволга тушиб қолган ёлғиз она ҳақида Озодлик эълон қилган видеолавҳа ортидан аёлга амалий ёрдам бериш масаласида вилоят ҳокимлиги даражасида махсус комиссия тузилган. Муҳаббат Қаюмованинг муаммоларини ҳал қилиш билан шаҳар ҳокимлигининг хотин-қизлар қўмитаси раиси Мавлуда Ҳусаинованинг шахсан ўзи шуғулланмоқда.
Фарғона вилояти Ўзбекистон туманидаги болалар боғчалари ва мактабларга 25 донадан лимон кўчати сотиб олиш мажбурияти юкланди. Мажбуран тузилаётгани айтилаётган шартномага кўра, битта кўчатнинг нархи 10 минг сўмдан бўлиб, ҳар бир таълим маскани жами 250 минг сўмлик 25 дона лимон кўчати сотиб олиши лозим.
- “Locked in” ("Устидан қулфланган") фильми устидаги сўнгги сайқал ишлари январ ойида тугалланди¸ шу кунларда фильмни тақдимот қилиш учун фестиваллар билан мулоқот қиляпмиз, - деди фильм продюссери¸ сценарий муаллифи¸ ҳамрежиссёри Нодира Мюррей Озодлик билан суҳбатда.
Шавкат Мирзиёевнинг янги фармонида таъкидланишича, девон президентнинг конституциявий ваколатлари амалга оширилишини, аҳоли билан тўғридан-тўғри мулоқот ташкил этилишини, жисмоний ва юридик шахсларнинг Ўзбекистон президентига мурожаат қилишга бўлган ҳуқуқлари амалга оширилишини таъминлаши шарт.
Ўзбекистон биринчи президентининг қизи Лола Каримова –Тиллаева Мирзо Улуғбек тўғрисидаги ҳужжатли фильмга продюсерлик қилди. “Мирзо Улуғбек. Осмон тоқига қўйилган нарвон” номли ҳужжатли фильм тақдимоти яқин кунларда ўтказилиши айтилмоқда. Бадиий кино элементлари бўлган мазкур ҳужжатли фильмда Ҳолливуд юлдузлари ҳам роллар ижро этган.
Бухоро шаҳридан Озодмикрофонга қўнғироқ қилган 56 яшар Хосият Жалолова бундан 7 йил аввал тўқима айблов билан судлангани ва амнистия бўйича жазодан озод қилинганини айтар экан, бугунги кунда унда судланганлик тамғаси қолгани учун фарзанди ички милицияга ишга киролмаётганидан шикоят қилди.
Вазирлар Маҳкамаси фармойиши билан 11 март куни Ўзбекистонда анъанавий умумхалқ хайрия ҳашари бошланди. Ҳашар 12 март, якшанба куни давом этади.
12 март куни Тошкентдаги қора бозорларда 1 АҚШ долларининг нархи янги рекорд кўрсаткич - 7500 сўмга чиқди. Айни пайтда Ўзбекистон Республикаси Марказий банки сўм линиясида навбатдаги босқич-қийматдаги банкнота – 10 минг сўмликни муомалага киритди.
Тошкент шаҳрининг Чилонзор туманидаги “Jizzax sity” кафесидан 3 март куни кечқурун милиция ходимлари томонидан зўравонлик билан олиб чиқиб кетилган хўрандалардан бири Озодликка мурожаат қилиб, у ерда бўлган воқеа тафсилотларини гапириб берди. Кафе мижози милиция ходимлари у ва бошқа хўрандаларнинг истеъмолчи сифатидаги ва инсоний ҳуқуқлари қўпол равишда поймол қилганига ўзи гувоҳ бўлганини айтди.
Давомини ўқинг
