Тошкентда шанба оқшом ёққан кучли ёмғирдан сўнг йирик кўчаларни сув босди. Хабарларга кўра, 20дан ортиқ катта автомобил йўлларини тўлиқ сув қоплаган, айрим кўчаларда автомобил ҳаракатланиши бир неча соатга тўхтаб қолган. Ўзбекистондаги Интернет нашрлари буни вақтида дарсини олмаган Тошкент шаҳар ҳокимияти учун яна бир оғир синов, деб танқид қилмоқда.
Ўзбекистон президенти Шавкат Мирзиёев шанба куни Яшнобод туманига сафари пайтида, кутилмаганда, 32-оилавий поликлиникага кирди. Расмий хабарда айтилишича, президент тумандаги кўп қаватли уйлар томига ўрнатилган қуёш батареяларини бориб кўрган, "Тошкент қоғози" ва "Артел" заводларига ҳам кирган.
Ўзбекистондаги тез тиббий ёрдам хизматини яхшилаш учун нима қилиш кераклиги, Тошкент аэропортини энг ёмон ўнталик орасидан энг яхши ўнталикл қаторига олиб чиқиш учун қандай чоралар лозимлиги, ўзбекистонликларнинг “иккинчи нон”ига айланган картошканинг нима сабабдан “анқонинг уруғи”га айланиб қолгани ҳақида наманганлик шифокор Баҳодир Салимовнинг ОzodNazarи.
Ўзбекистонда кундалик рўзғор эхтиёжи учун энг кўп ишлатиладиган сабзавотлардан бири бўлган картошканинг нархи икки ой ичида тўрт баравар қимматлади. Бозорларда картошканинг килоси 7 минг сўмдан айрим жойларда 8 минг сўм (қора бозор курсида 1 АҚШ доллари)дан сотилаётгани айтилмоқда.Айрим вилоятларда маҳаллий ҳокимликлар бозорлар олдида махсус кўчма дўконлар ташкил этиб¸ арзон нархда “социал картошка” сотишни йўлга қўйган, лекин бу ҳам картошка нархи ошишини тўхтатиб қололмаяпти.
Тошкент вилояти Зангиота туманининг Қозоғистон чегарасига яқин қисмида яшайдиган Ғуломқодировлар оиласининг кенжаси "Тез ëрдам" кечиккани ортидан пайшанба куни оламдан ўтди. Воқеани ўрганиш чоғида 2 яшар бола ўлимининг "Тез ëрдам" машинаси йўқ ва малакали тиббий хизмат кўрсатиш имконига эга бўлмаган қишлоқ врачлик пунктидаги аҳвол билан боғлиқлиги ўртага чиқди.
Самарқанд шаҳридаги “Темирйўл деҳқон бозори”даги тадбиркорлар 5 май куни дўконлари бузилиши ва ўзларига бошқа жойдан дўкон топиши ҳақида огоҳлантирилди. Ҳокимлик жойсиз қоладиган тадбиркор ва бозорчиларни бошқа жойдан дўкон ва иш ўрни билан таъминлашдан бош тортмоқда. Расмийлар бозор, президент фармонига асосан, реконструкция қилинаётганини айтмоқда.
Ўзбекистонда сўнгги бир ой ичида виртуал қабулхона мурожаатига беписанд қараган 4 шаҳар ва туман ҳокимлари ва 30 дан зиёд мансабдор лавозимидан олинди. Бу ҳақда Озодликка Ўзбекистон Вазирлар Маҳкамасининг исми сир қолишини истаган мулозими билдирди.
Европа Иттифоқининг Ўзбекистондаги делегацияси раҳбари Эдуардс Стипрайс 4 май куни ўтказилган матбуот анжуманида Тошкентнинг валюта сиёсатини танқид қилди. ЕИ расмийси, шунингдек, ички ишлар вазири Абдусалом Азизовнинг баёнотига нисбатан ҳам фикр билдирди.
Фарғонада виртуал қабулхона мурожаатига беписанд мансабдорларга иш қўзғатилди. Ички ишлар вазири фуқароларга қўполлик қилаётган ходимларни кескин огоҳлантирди. Тошкентда носоз йўл cабаб ёш бола нобуд бўлди. Жорий ҳафта матбуот шу каби воқеалар ҳақида хабар берди.
Ўзбекистон президенти 3 май куни имзолаган гидроэнергетикани ривожлантириш тўғрисидаги қарор йиллардан буён электр энергияси тақчиллигини ўз бошидан кечириб келаётган ўзбекистонликлар учун умид муждаси бўлиши мумкин. Лекин худди шундай қарорни Мирзиёев Бош вазир лавозимида ишлаб турганида имзолаганига 2 йил ҳам тўлмадику? Кечаги қарорнинг аввалгисидан нима фарқи бор? Аввалгиси қандай ижро этилди?
Халқ таълими вазирлиги сайтида президентнинг “2017 — 2021 йилларда мактабгача таълим тизимини янада такомиллаштириш чора-тадбирлари тўғрисида”ги қарори ижросига оид ўзига хос ҳисобот эълон қилинди. Жараëннинг жадал бораëтгани ҳақидаги бу ҳикояда¸ ўзбекистонликларни ларзага солган боғчалардаги зўравонлик ва фаҳш муаммоси ҳақида лом-мим дейилмади.
Давомини ўқинг
