Душанба куни Лондонда Афғонистонда наркотиклар ишлаб чиқарилишига оид анжуман бўлиб ўтди. Унда қатнашган “Senlis Council” ташкилоти вакиллари Афғонистон ҳукумати наркотиклар етиштирилишига қарши ҳозирги самарасиз дастуридан воз кечиб, ўрнига фармацевтика саноати учун мамлакатда кўкнори етиштиришни қонунийлартириш таклифини ўртага ташлади. Анжуманни кузатган Озодлик мухбири Ян Юннинг хабар беришича, бундай чора Афғонистон ҳукумати учун ҳаво ва сувдек зарур бўлган хорижий валюта киримини кўпайтириш баробарида деҳқонлар моддий шароитини ҳам яхшилашга ёрдам беради.
У ўтган 40 йил ичида Эронга борган биринчи Ироқ президентидир. Талабоний Эрон президенти Маҳмуд Ахмадийнажод ва Эрон олий маънавий етакчиси Оятоллоҳ Али Хамений билан учрашди. Ироқ раҳбарининг Эрон Ташқи ишлар вазири Манучер Мотаки билан учрашиши кутилмоқда. Вашингтоннинг Теҳрон Бағдоднинг ички ишларига аралашмоқда¸ деган фикрига қарамасдан¸ Эрон-Ироқ муносабатлари мустаҳкамланаëтгани айтилади. Озодлик мухбири Гулноз Эсфандарий тайëрлаган лавҳа мазмуни билан Самандар таништиради.
Расмий Теҳрон БМТ назоратчиларини ўз ядровий иншоотлари ëнига йўлатмайдиган бўлди.
Куни кеча Владимир Путин икки муҳим иттифоқчиси ваколатини оширганидан сўнг¸ Москвада президент 2008 йили ўрнига қоладиган ворисини тайëрлаяпди¸ деган баҳс мунозаралар пайдо бўлди. Дмитрий Медведев 2000 йилги президентлик сайлови кампаниясини бошқарган. 2003 йили Кремл маъмурияти бошлиғи этиб тайинланган. Ҳозирда Бош вазирнинг биринчи ўринбосари лавозимига кўтарилди. Сергей Иванов Мудофаа вазири лавозимида 2000 йилдан буëн ишлаб келади. Иванов ҳам Путин сингари КГБ дан чиққан ва узоқ вақт давомида Путиннинг эҳтимолий вориси¸ деб ҳисобланган. Кремлдаги ўзгаришлар борасида Озодлик мухбири Роберт Парсонс тайëрлаган лавҳаси билан Самандар таништиради.
Сожида Ришавининг айтишича¸ у ва унинг турмуш ўртоғи Аммондаги учта хашаматли меҳмонхоналардан бирига террор ҳаракатини амалга ошириш учун борган. Сожиданинг эри ўзига боғланган портловчи мосламани кучга киритиши натижасида ҳалок бўлган. Бироқ Сожидага боғланган портловчи мослама ишламаган. Озодлик мухбири Рон Синивотс тайëрлаган лавҳа мазмуни билан Самандар таништиради.
10-11 ноябр кунлари жаҳоннинг 30дан ортиқ давлати собиқ раҳбарлари Прага шаҳрида тўпланиб пост – коммунист давлатларида ўтиш даври жараёнларини мухокама этдилар. Сўнгги пайтларда демократия сари ўзгаришлар кузатилаётган собиқ Совет давлатларидаги жараёнлар ҳам мухокмалар марказида бўлди.
Францияда бир неча кундан буëн давом этаëтган тартибсизликлар оқибатида бир одам ўлганлиги ҳақида хабар тарқатилди. Ўтган ҳафта ëшлар томонидан калтакланган 61 ëшдаги эркак киши душанба куни вафот этди. 12чи кун давом этаëтган зўравонликлар оқибатида 5 мингдан зиëд машина ëқиб юборилиб¸ маъмурий бинолар¸ дўконлар вайронага айланди. Зўравонликларда Франциянинг қашшоқ мавзеларида истиқомат қилаëтганлар¸ асосан Африкадан Францияга муҳожирлик қилганларнинг фарзандлари иштирок этмоқда. Уларнинг бундай йўл танлашига ниба сабаб бўлмоқда. Самандар мавзуни ўрганишга ҳаракат қилади.
6 ноябр куни Озарбайжонда парламент сайловлари ўтказилади. Сайлов яқинлашар экан мухолиф партиялар ҳукумат расмийлари мухолифат вакилларига босим ўтказаётгани ва сайлов натижалари соҳталаштирилиши мумкинлигидан ташвиш билдирмоқда. Айни пайтда, Озарбайжондаги оммавий ахборот воситалари ҳукумат фойдасига тарғибот кампанияси олиб бормоқда.
Жорий йил феврал ойида Байрут шаҳрида Ливан собиқ Бош вазири Рафиқ Харирий ҳаётига суиқасд уюштирилган эди. БМТ Хавфсизлик Кенгашининг душанба кунги йиғилишида Сурия ҳукуматидан Ҳаририй ўлдирилиши юзасидан текширув олиб бораётган БМТ комиссияси билан ҳамкорлик қилишни талаб қилувчи резолюция қабул қилинди.
Жорий йил феврал ойида Ливан собиқ Бош вазири Рафиқ Ҳаририй ҳаётига суиқасд уюштирилган эди. БМТ мутахассисларидан иборат комиссия мазкур иш юзасидан мустақил текширув ўтказиб, куни кеча ўзининг дастлабки натижаларини эълон қилди. Ҳужжатда Сурия ҳукуматининг БМТ комиссияси билан ҳамкорлик қилмаётгани билдирилган. Сешанба куни БМТ Хавфсизлик Кенгашида шу масала муҳокама қилинди. Йиғилишдан сўнг Хавфсизлик Кенгашининг доимий аъзоси бўлган Франция ва АҚШ агар Дамашқ расмийлари Ҳаририй ўлдирилишида гумон қилинган расмийларни қўлга олмаса, Сурияга қарши санкция жорий этилиши мумкинлиги тўғрисида огоҳлантирди.
А.Арал Жума куни кечга яқин Шри-Ланка пойтахти Коломбода мамлакат Ташқи ишлар вазири номаълум қуролли шахс тoмонидан отиб ўлдирилди. Воқеадан кейин ҳукумат дарҳол фавқулодда ҳoлaт эълон қилиб¸ шаҳарда қидирув ишларини бошлади. Полиция воқеа юзасидан Тамил сепарачилар гуруҳини айбламоқда. Мамлакат Президенти Чандрика Кумаратунга хоним халққа мурожаат қилиб¸ тинчликни сақлашга чақирди.
Ироқ уруши бошланганидан бери сўнгги ойларда АҚШ кучлари аввалгига қараганда кўп талафот кўрмоқда. Душанба куни Ироқнинг ғарбий вилоятида АҚШ денгиз пиёда қўшинларининг олти аскари исёнчилар билан тўқнашувда отиб ўлдирилди. Чоршанба куни айни минтақада 14 нафар денгиз пиёда аскари ва уларнинг таржимони йўл четида бомба портлагани оқибатида нобуд бўлди. Жами бўлиб 24 июлдан бери Ироқда Американинг 44 ҳарбийси нобуд бўлди.
Давомини ўқинг
