Россия Бош прокуратураси собиқ бош вазир Михаил Касьянов фойдасига йиғилган имзоларнинг катта қисми сохта экани юзасидан жиноят иши очди. Бу мухолифатнинг сўнгги номзодини 2 мартда ўтадиган президент сайловидан четлатишга уриниш ўлароқ баҳоланмоқда.
Туркияда суд қарори билан дунёдаги энг оммабоп сайтлардан бири бўлмиш “www.youtube.com”га чеклов жорий этилди. Бу эса мамлакатда сўз эркинлиги борасидаги мунозарага сабаб бўлаётир.
Ироқнинг Карбало шаҳрида шиа мазҳабидаги икки миллионга яқин мусулмон Ашуро диний маросимини ўтказишга тўпланди. Шаҳарда хавфсизлик чоралари кучайтирилди.
Якшанба куни Михаил Саакашвили Грузия президенти сифатида иккинчи беш йиллик муддатга қасамёдга келтирилди. Шу куни унга мухолифатда бўлган кучларнинг йирик норозилик намойиши ҳам ўтказилди.
АҚШ президенти Жорж Буш жорий йилнинг биринчи ярмида Ироқдан Американинг 20 минг аскарини олиб чиқиш режа асосида бораётгани, лекин ҳарбийлар сони бундан ортиқ қисқартирилмаслигини маълум қилди.
Жомолунгма чўққисини илк бор забт этган Эдмунд Ҳиллари 11 январь куни 88 ëшида оламдан ўтди. 1953 йилнинг 23 майида Эдмунд Ҳиллари ва Норгей Тенсинг баландлиги 8848 метрли Жомолунгмага кўтарилганди.
Коллектив хавфсизлик шартномаси ташкилотига аъзо давлатлар ўзининг “Шенген ҳудуди”ни барпо этмоқчи. Ташкилот раҳбари Николай Бордюжа бу ғоя барча аъзо давлатлар томонидан қўллаб-қувватланганини маълум қилди.
Туркияда чиқадиган “Миллият” газетасида чоп этилган дайди итлар саргузаштлари акс этган суратлар жанжалга сабаб бўлди. Дайди итларнинг мусулмонча исмлар билан аталиши диний гуруҳларнинг нафсониятига тегди.
Яқин Шарқ давлатлари бўйлаб кўп кунлик сафарини давом эттираётган АҚШ президенти Жорж Буш 10 январь куни Рамаллоҳда Фаластин мухторияти раҳбари Маҳмуд Аббос билан музокара ўтказди.
Ҳиндистоннинг автомобиль ишлаб чиқарувчи йирик “Тата” ширкати ўз мижозларига “халқ машинаси” номини олган жаҳондаги энг арзон тўрт ғилдиракли автомобилни тақдим этди.
АҚШ президенти Жорж Буш Исроил ва Иордан дарёсининг ғарбий соҳилига биринчи ташрифини бошлади. У Яқин Шарқдаги бир неча араб давлатига боришни ҳам режалаштирган.
“Амори спорт” (Amaury sport) ташкилоти вакиллари Франция ҳукумати, айниқса, Ташқи ишлар вазирлиги билан бир неча маслаҳатлашувдан кейин 2008 йилги Дакар авто-мотопойгасини бекор қилиш ҳақида қарор чиқарганди.
Қолганини юкланг
