Хитойдаги кибернетик жосуслар Google ва яна камида 20 та бошқа ширкатлар компютерларига ҳужум қилганидан кейин Google Inc. корпорацияси Пекиндаги ўз ваколатхонасини ёпиш ва ширкатнинг Хитойдаги фаолиятини тўхтатиш билан таҳдид қилди.
Дунё давлатлари кучли зилзиладан азият чеккан Ҳаити аҳолисига ёрдамга ошиқмоқда. Қурбонлар ва талафотларнинг ҳақиқий миқёсини баҳолаш ҳозирча имконсиз. Ҳаити расмийларига кўра, қурбонлар сони юз мингдан ортиши мумкин.
Канадалик ёш модел Кристал Каллаҳан моделлик шоҳсупасини Чеченистон телевидениесидаги бошловчиликка алмаштирди. Қорамағиз, хушқомат, инглиззабон қиз мода, шоу-бизнес ва туризмга бағишланган 20 дақиқалик кўрсатуви билан ҳафтада бир бор томошабинларга кўринмоқда.
