Лондонда Афғонистонга бағишланган йирик халқаро анжуман иш бошлади. Унда Афғонистон хавфсизлигини назорат қилиш масъулиятини ҳукумат кучлари зиммасига юклаш ва зўравонликлардан воз кечган Толибон жангарилари билан музокаралар бошлаш режаси ишлаб чиқилмоқчи.
Украина НАТОга аъзо бўлмаган давлат сифатида альянснинг қуролли кучларига ҳисса қўшадиган биринчи мамлакат бўлди. Бу қарор 27 январ куни Брюсселда якунланган НАТО аъзолари ва иттифоқчилари мудофаа вазирларининг учрашувида қабул қилинди.
Шимолий ва Жанубий Корея қўшинлари 27 январ куни икки давлат чегарасидаги баҳсли ҳудудда бир бирига қарата огоҳлантирув ўқи уздилар.
Францияда таъсис этилган махсус комиссия мамлакат парламентига давлатга қарашли жойларда муслималарнинг юзини тўсиб турадиган ниқоб тақиб юришини тақиқлашни тавсия қилди.
27 январ куни Швейцариянинг Давос курортида нуфузли тадбиркор ва сиёсатчилар иштирокидаги Жаҳон иқтисодий форуми иш бошлайди.
Озодлик радиосига берган эксклюзив интервьюсида НАТО бош котиби Андерс Фог Расмуссен пайшанба куни Лондонда бошланадиган Афғонистонга оид халқаро конференциядан конкрет натижаларни кутаётганини таъкидлади.
Хитой глобал иқтисодий бўҳрондан чиққан биринчи давлат бўлди. Пекин расмийлари 2009 йил охирида кузатилган иқтисодий ўсиш 2010 йилда ҳам давом этишини билдирди.
24 январ куни Эрон президенти мамлакат парламентига йиллик бюджет лойиҳасини тақдим этди. Маҳмуд Аҳмадийнажод ҳужжатда нефтдан тушган даромадга қарамликни камайтириш масаласига “алоҳида эътибор” қаратилганини таъкидлади.
Афғонистон Мустақил сайлов комиссияси жорий йилнинг май ойига белгиланган парламент сайловларини сентябр ойига қолдиришга қарор қилди.
Полша ҳукумати яқинда АҚШ томонидан етказиб бериладиган “Patriot” ракета мосламаларининг қайси ҳудудга жойлаштирилишини эълон қилди. Мудофаа вазирлигига кўра¸ АҚШ ракеталари Россиянинг Калининград вилоятидан 60 км масофада жойлашади.
Таниқли фото ва кинотасвирчи Умида Аҳмедова ҳимоясига чиққан Халқаро Санъатшунослар уюшмаси Тошкент режимини "юпқа¸ ожиз ва сассиз зиëлилар қатлами"га қарши курашнинг мамлакатдаги катта ижтимоий қатламлар сабр косасини тўлдириб юборишидан огоҳлантирди.
20 январ куни Барак Обама АҚШ президенти сифатида қасамёд қилганига бир йил тўлди. Барак Обаманинг бир йиллик президентлиги давомида дунё сиёсий саҳнасида юзага келган кескинликни юмшатишга муваффақ бўлгани айтилмоқда.
Қолганини юкланг
