Либерия собиқ президенти устидан ўтказилаётган БМТ трибуналида кўрсатма берган британиялик супермодел Наоми Кэмпбелл 1997 йилда ЧарлзТэйлордан совға сифатида бир неча дона олмос олганига иқрор бўлди.
Нью Йорк шаҳар ҳокимияти комиссияси 2001 йил 11 сентябрда амалга оширилган ҳужум зарбидан шикастланган бинони бузишга рухсат бериш ҳақидаги таклифни бир овоздан қўллаб-қувватлади.
Вашингтон ўзи террористик ташкилот ва гуруҳлар деб ҳисобламиш Хизбуллоҳ, Толибон ва бошқа шу кабиларни қўллаганликда гумон қилинаётган Эрондаги ташкилотлар ва шу мамлакат қатор расмийларига қарши санкциялар жорий этди.
Покистон ва Афғонистонда рўй берган сув тошқинлари оқибатида 1000 дан ортиқ киши нобуд бўлди. БМТнинг билдиришича, табиий офатдан бир миллиондан зиёдроқ одам зарар кўрган.
Покистон шимолида ёққан тинимсиз ёмғин ортида рўй берган сув тошқинлари ва ер кўчкилари оқибатида сўнгги уч кун мобайнида 400дан ортиқ киши нобуд бўлди¸ ўн минглаб одам бошпанасиз қолди.
АҚШ Мудофаа вазири Афғонистон урушига оид минглаб махфий маълумотнинг оммага ошкор қилингани АҚШ ҳарбийлари ва иттифоқчилар хавфсизлигини хавф остида қолдирганини айтмоқда.
Маркази Лондонда жойлашган Халқаро Амнистия ташкилоти июн ойида Қирғизистон жанубида содир этилган зўравонликлар ва улардан сўнг бошланган инсон ҳақларининг оммавий бузилиш ҳолатларини самарали тадқиқ қилишга оид ўз тавсияларини жамоатчиликка эълон қилди.
Қирғизистондаги гуманитар вазиятни таҳлил қилган БМТ нинг 24 та агентлиги халқаро ёрдам ташкилотларини¸ мазкур минтақада барқарорлик ўрнатиш жараëнида Ўш ва Жалолободдаги қирғин оқибатида уйсиз қолган 75 минг одам тақдирига бирламчи эътибор беришга чақирди.
Буюк Британия Бош вазири Дэвид Камерон Туркиянинг Европа иттифоқига аъзо бўлишига йўл бермаётган Германия ва Франция каби давлатлар сиёсатини танқид қилди.
1951 йилнинг 28 июлида Швейцариянинг Женева кўли ëнида машварат қилган халқаро ҳуқуқшунослар гуруҳи Қочқинлар ҳақидаги конвенцияни қабул қилди. Дунëнинг аксарият давлатлари эътироф қилган Қочқинлар ҳақидаги конвенцияни Ўзбекистон бугунга қадар эътироф этмади.
БМТ Қирғизистон Ўтиш даври президентини мамлакат жанубини¸ у ердаги ўзбеклар зиëнига қайта қуриш режасини бошламасликка чақирди ва халқаро ҳамжамиятнинг Қирғизистонга кўрсатадиган ëрдами Ўш ва Жалолободни қайта қуриш режасига боғлиқ эканини таъкидлади. Бу чақириқ БМТ нинг BBC мухбири қўлига тушган мактубидан ўрин олган.
Европа иттифоқига аъзо давлат Ташқи ишлар вазирларининг 26 июл куни Брюсселда ўтган учрашувида Эронга қарши янги санкциялар жорий қилиш масаласида қарор қабул қилинди.
Давомини ўқинг
