Миллионлаб мисрликлар президент Ҳусни Муборакнинг дарҳол истеъфога чиқиши талаби билан “Ҳайдалиш куни” номи остида 4 феврал куни мамлакат бўйлаб ўтказилаётган намойишларга қўшилди.
4 феврал куни Қоҳирадаги Таҳрир майдонида 100 минглаган одам Жума намозини ўқиди. Улар бу кунни “ҳайдалиш куни” деб атадилар. Муборак АҚШ телеканалларидан бирига берган интервюсида кетишга тайëр эканлигини, аммо унинг кетиши Мисрга тартибсизликлар олиб келиши мумкинлигидан хавотирда эканлигини айтди.
Президент Муборак тарафдорлари хорижликларни сўнгги кунлардаги тартибсизликлар "айбдорлари" сифатида кўрмоқда. Улар калтаклаган ажнабийлар орасида 3 феврал куни Искандариядан Қоҳирага қараб йўлга чиққан ўзбекистонлик Абдуллоҳ ҳам бор.
Чехия Олий Суди ўзбекистонлик Соҳиббек Йўлдошбоевга нисбатан фоҳиша аёлни ўлдирганлик айби бўйича чиқарилган умрбод қамоқ ҳукмини ўз кучида қолдирди. У билан бир қаторда судланган яна уч нафар ўзбекистонлик эса 19 йилдан 25 йилгача озодликдан маҳрум этилди.
Мисрда президент Ҳусни Муборак истеъфосини талаб этаётган мухолиф гуруҳлар бугун мамлакат бўйлаб энг йирик норозилик намойишини бошлади. Мухолифат бугунги тадбирнинг Муборак учун ҳайдалиш куни бўлишига умид қилмоқда.
Миср президенти Ҳусни Муборак истеъфоси талаби билан Қоҳиранинг марказий хиëбонида 10 кундан бери намойиш ўтказаётган мухолифат тарафдорлари ва муборакпарастлар ўртасида 3 феврал куни яна тўқнашувлар юз берди. Бир кун олдин томонлар бир-бирин тошбўрон қилгани оқибатида беш киши нобуд бўлгани, юзлаб одам жароҳатланган эди.
Чоршанба кунги зўравонликлардан кейин ҳам президент Муборак истеъфосини талаб этаётган намойишчилар Қоҳира марказида қолишмоқда. "Таҳрир" майдонидаги кечаги тўқнашувлар оқибатида уч киши ҳалок бўлди, мингга яқин одам жароҳатланди.
Мисрда давом этаëтган норозилик намойишларини кузатаëтган ўзбекистонликлар бу воқеаларга муносабат бобида икки қутбга бўлинганича қолмоқда. Кимдир исëнчиларга ҳавас қилса¸ кимдир бундай кундан Ўзбекистонни Худо асрасин¸ демоқда.
Ҳусни Муборак истеъфоси талаби билан Қоҳиранинг марказий хиëбонига икки миллионга яқин одам йиғилгани эртасига айни майдонга Муборак тарафдорлари кириб келди ва намойишчилар ўртасида даҳанаки жанг бошланишига сабаб бўлди.
2 феврал куни Қоҳирадаги Таҳрир майдони ва унинг атрофларида президент Муборак тарафдорлари ва унга қаршилар ўртасида тўқнашувлар юзага чиқди. Намойишчилар ва Муборак тарафдорлари бир-бирларига қарши қўлланаëтган асосий қурол тош ва таëқлардир.
1992 йилда Ўзбекистон давлат делегацияси сафида Мисрга борган шоира Гулчеҳра Нуруллаева Озодлик билан суҳбатда Қоҳиранинг Таҳрир майдонига йиғилган юз минглаб намойишчилар талаблари билан якдил эканини билдиради.
Миср президенти Ҳусни Муборак 1 феврал куни мамлакат телевидениеси орқали қилган мурожаатида сентябр ойида бўладиган президентлик сайловида ўз номзодини қўймасликни ваъда қилди ва ҳозирги муддати тугагунича лавозимида қолишни истаётганини айтди.
Давомини ўқинг
