АҚШдаги Forbes журнали 2011 йилги дунё миллиардерлар рейтингини эълон қилди. Рўйхатга бойлиги бир миллиард АҚШ долларидан ошган 1209 киши киритилган. Журналга кўра, уларнинг аксари Америка фуқароларидир.
Ливия шарқидаги исёнчилар Муаммар Қаддафийга содиқ кучлар ҳаво ҳужумларини тўхтатиш учун халқаро ҳамжамиятни иложи борича тезроқ мамлакат ҳаво ҳудидини парвоз таъқиқланган зона, деб эълон қилишга чақирмоқда. Муаммар Қаддафий Ғарб давлатлари Ливия ҳаво ҳудудларини парвозлар учун ёпиб қўйса, Ливия халқи “қўлига қурол олади”, деб баёнот берди.
АҚШ президенти Британия Бош вазири билан Ливияда давом этаётган бўҳрон масаласини муҳокама қилди. Сўзлашувдан кейин Камерон дунё Ливия раҳбари Муаммар Қаддафий ўз халқига нисбатан қўллаётган зўравонликларга четдан қараб тура олмаслигини урғулади.
Мўътабар Тожибоева 2009 йилда АҚШ Давлат департаментидан олган "Жасоратли аёл" мукофотидан воз кечди. Ўзбекистонлик ҳуқуқ ҳимоячиси, “Ўтюраклар” клуби Инсон ҳуқуқларини ҳимоя қилиш халқаро жамияти раҳбари айни мукофотнинг Қирғизистон Президенти Роза Ўтунбаевага берилаётганига норозилик ўлароқ, ундан воз кечишини эълон қилди.
АҚШ президенти Барак Обама террорчиликка алоқадорликда гумонланиб АҚШнинг Кубадаги Гуантанамо ҳарбий базаси қамоқхонасида сақланаётган маҳбусларни ҳарбий трибуналда судлашни давом эттиришга рухсат берди.
Норвегия пойтахти Ослода асли ўзбекистонлик мустақил журналист Евгений Дьяконов маҳаллий сўл радикал ёшлар томонидан калтакланиб, оғир аҳволда шифохонага ётқизилди. Норвегиянинг TV2 канали Дьяконовнинг ҳужумга учрагани ҳақидаги репортажни эфирга берди.
Ливия расмий матбуоти мамлакатнинг исёнчилар назоратига ўтган Рас-Лануф, Завияҳ ва Мисрата шаҳарлари ҳукумат кучлари назоратига қайтарилгани ҳақида баёнот берди. Аммо, буни инкор қилган исёнчилар якшанба куни ҳукумат кучлари улар томон бир нечта кучли ҳужумни уюштирганини айтмоқда.
Британияга қарашли ширкатининг ўзбек ҳамкорларини халқаро арбитраж судига бериш қарорига Тошкент ҳукуматининг “Amantaytau Goldfields” қўшма корхонасидаги Oxus Gold ширкатига тегишли 50 фоизлик улушини тортиб олиш нияти сабаб бўлди. Oxus Gold Ўзбекистонда биринчи марта муаммоларга дуч келаётгани йўқ.
2 март куни Ливия инқилоби раҳнамоси¸ полковник Муаммар Қаддафийга тарафдор кучлар билан исëнчилар ўртасидаги қуролли тўқнашувлар янада кескин тус олди - ҳукумат кучлари мухолифат назоратидаги ҳудудларни ҳаводан ҳужум қилишга ўтди.
АҚШ сенаторларининг Сенат Халқаро муносабатлар қўмитасига йўллаган тавсиясига кўра¸ ҳозир Роғун ГЭСини қуришнинг айни фурсати ва бу йирик гидроиншоот нафақат Тожикистон балки Афғонистон ва Покистондаги энергетика муаммоларига ҳам ечим бўлиши мумкин. Айни пайтда Тошкент Роғун қурилишига қаршилигини давом эттирмоқда.
Британиядаги кўчмас мулк бозорининг етакчи даллолларидан бўлган Knight Frank LLP ширкатига кўра¸ Ўзбекистон фуқаролари сўнгги 12 ой ичида Лондондаги қимматбаҳо уйларни сотиб олаëтган хорижликлар рўйхатининг иккинчи поғонасига кўтарилган.
Тошкент шаҳар ҳокими¸ шаҳар Ички ишлар бошқармаси бошлиғи ва ўндан ошиқ бошқа юқори лавозимли пойтахт расмийларининг коррупция билан боғлиқ айблар билан ишдан олиниши ортидан¸ улар билан ҳамкорлик қилган айрим немис ширкатларининг мунтазам “откат” тўлаб келгани ҳақида хабарлар пайдо бўлди.
Давомини ўқинг
