Сурия ҳукумати ўз делегациясининг жорий ҳафтада Женевада бўлиб ўтадиган тинчлик музокараларида иштирок этишини тасдиқлади. БМТ тарқатган хабарда айтилишича, ҳукумат олдинроқ музокараларда қатнашмаслиги мумкинлигини айтган эди.
Москвада янги йил арафасида меҳнат муҳожирларини оммавий текшириш операциялари авж олмоқда. Олиб борилаётган оммавий рейдларни полиция “муҳожирларнинг жиноятларга алоқадорлигини текшириш” билан изоҳламоқда.
Ўшдаги Бобур номидаги Ўзбек академик театри Британия пойтахти Лондонга қилинган гастролларини якунлаб, Ўшда 99-театр мавсумини очди. 2018 йилда театр ўзининг юз йиллигини нишонлашга қизғин тайёргарлик кўрмоқда. Озодлик мухбири театр директори Набижон Мамажановни суҳбатга тортди.
Исломобод четидаги Файзобод туманида намойишга йиғилган исломий партиялар фаоллари ва хавфсизлик кучлари ўртасидаги тўқнашувлар иккинчи кун ҳам тинмади. Хабарларга кўра, 25 ноябрь куни юзага чиққан тўқнашувларда 6 одам ўлган, 200 дан ортиғи жароҳатланган.
Европа иттифоқи Россияда хориждан молиявий таъминот оладиган оммавий ахборот воситаларини (ОАВ) "хориж агенти"га тенглаштирувчи янги қонуннинг қабул қилинганини танқид қилди. Россия президенти Владимир Путин бу қонунни 25 ноябрь куни имзолади. Қонунга биноан, қайси ОАВ хорижий агент сифатида рўйхатдан ўтказилишини Россия Адлия вазирлиги ҳал қилади.
25 ноябрь, шанба куни Москвада “Фарғона.ру” ахборот агентлигининг янги офиси ва кўргазма зали очилиш маросими бўлиб ўтади. Курская метро бекатидан узоқ бўлмаган жойда очилиши кутилаётган янги бино, агентлик раҳбари Даниил Кисловга сўзларига кўра, “Фарғона Уйи” деб номланади.
Эрон маъмурлари Британия ва Эрон ватандоши Нозанин Зағарий-Ратклифф устидан суд маҳкамаси санасини белгилади. Бу ҳақда аёлнинг турмуш ўртоғига таяниб, Guardian газетаси хабар қилди.
Қирғизистоннинг 24 ноябрда қасамёдга келтирилган янги президенти Сўўрўнбай Жээнбеков миллатчиликнинг ҳар қандай кўринишига тоқатсиз муносабатда бўлишини билдирди ҳамда коррупцияга қарши курашни кескин кучайтиришга, барча соҳаларда ислоҳотларни амалга оширишга, мамлакатни “бизнес учун жаннатга айлантириш”га ваъда берди. Ўз лавозимини бажаришга киришган Сўўрўнбай Жээнбеков Қирғизистоннинг 5-президенти бўлди.
Вояга етмаганлар ишлари бўйича Москва область, Клин шаҳар комиссияси бухоролик Феруза Ўткировадан тортиб олинган унинг 6 яшар қизи Рухшонани қайтариб бермаслик тўғрисида қарор чиқарди. Комиссия хулосасига кўра, Ўткирова ўз қизини урган ва темир катакда сақлаган. Она ва унинг ҳимоячилари бу айбловни рад этмоқда.
22 ноябрь куни БМТ трибунали 1992-95 йиллардаги урушда Босния сербларига қўмондонлик қилган Ратко Младични унга қўйилган 11 та жиноятдан 10 тасида айбдор деб топди ва унга умрбод қамоқ жазоси берди.Младич уруш ва инсониятга қарши жиноятлар¸ хусусан¸ геноцидда айбдор деб топилди.
Россия метереологик хизмати сентябрь охирида мамлакат жанубидаги Урал ҳудудида рутений-106 (ру-106) радиоактив моддаси концентрацияси ўта юқори бўлганини тасдиқлади. Аммо хизмат кейинроқ ўз гапига қарши чиқиб, атроф-муҳитни ҳимоя қилиш билан шуғулланувчи ташкилотларни кўпроқ маблағ жалб қилиш мақсадида ёлғон тарқатишда айблади.
21 ноябрь куни Нью-Йоркнинг Манҳеттен федерал маҳкамасида ўзбекистонлик муҳожир Сайфулла Соиповга нисбатан расмий айблов эълон қилинди.22 та оғир жиноят¸ хусусан¸ "Ислом давлати" гуруҳига моддий ëрдам кўрсатиш¸ саккизта қотиллик¸ 12 марта қотилликка уриниш каби айблар маҳкамада ўз тасдиғини топса¸ Соиповга ўлим жазоси тайинланиши мумкин.
Қолганини юкланг
